Líkamsmeðferð byrjunaráfangi til sveinsprófs í snyrtifræði
Samþykkt af skóla
2
5
FB
Í þessum byrjunaráfanga læra nemendur verklag við líkamsnudd og hvernig hægt er að mynda æskilegt vinnuumhverfi fyrir það undirbúning vinnuaðstöðu og að taka á móti viðskiptavinum. Kennt er eftir klassíska sænska nuddkerfinu og nemendur þjálfaðir í að tileinka sér flæði og dýpt nuddhreyfinga og þekkja efni sem notuð eru við það.
Í bóklegum hluta áfangans læra nemendur um beinabyggingu og vöðva líkamans, staðsetningu, upptöku, festu og hreyfingu þeirra. Þeir læra sögu og uppruna nudds, tilgang og áhrif þess á líkamann. Lögð er áhersla á að nemandi öðlist skilning á áhrifum og virkni nudd¬hreyfinga og nudds almennt á húðvefi, vöðva, æða- og sogæðakerfi líkamans.
Samkvæmt skólanámskrá.
Nemandi skal hafa öðlast þekkingu og skilning á:
sögu og uppruna nudds, tilgang og áhrif þess á líkamann
mikilvægi þess hvernig gott vinnuumhverfi og vinnustaða er við líkamsnudd
áhrifum og virkni mismunandi nuddhreyfinga í sænska nuddkerfinu
efni sem nuddað er með í líkamsnuddi
áhrifum nudds á húðvef, vöðva, æða- og sogæðakerfi líkamans
staðsetningu beina í líkamanum
staðsetningu, upptökum, festu og hreyfingu beinagrindavöðva í líkamanum sem haft er áhrif á í líkamsnuddi
hve háttvísi í framkomu er mikilvæg og hæfni í móttöku viðskiptavina með faglegum hætti
Nemandi skal hafa öðlast leikni í að:
undirbúa nuddbekk og áhaldaborð fyrir meðhöndlun
taka á móti viðskiptavini og búa um hann fyrir líkamsnudd
nudda eftir sænska nuddkerfinu í 75 mínútna líkamsnuddi
hreinsa húð að loknu nuddi
sýna háttvísi og fagmannlega framkomu
Nemandi skal geta hagnýtt þá almennu þekkingu og leikni sem hann hefur aflað sér til að:
vinna í hópi og til þess að auka skilning á verklega þætti námsins og samskiptatækni
undirbúa góða vinnuaðstöðu fyrir líkamsnudd og þægilegt umhverfi fyrir viðskiptavin
tengja undirstöðuþekkingu sína á staðsetningum vöðva svo hann geti gefið líkamsnudd á viðeigandi hátt
hafa skilning á mikilvægi vandaðra vinnubragða, háttvísi og fagmannlegrar framkomu
ganga frá vinnuaðstöðu, efnum og áhöldum á viðeigandi hátt
sýna sjálfstæði í vinnubrögðum og bera ábyrgð á eigin námsframvindu
Vinnueinkunn á önn, verklegt og skriflegt lokapróf
• Vinnufærni nemandans er metin á önninni með jafningja- og leiðsagnarmati á verklegri vinnu þar sem nemandi gefur líkamsnudd á samnemendum og utanaðkomandi aðilum.
• Krafa er um vönduð vinnubrögð og háttvísi í framkomu.
• Þekking er metin með skriflegu lokaprófi, skriflegum könnunum og verkefnum sem unnin eru heima.
• Í lok annar er hæfni nemanda metin með verklegu lokaprófi þar sem hann vinnur á utanaðkomandi aðila í 75 mínútna heilnuddi.