Andlitsmeðferð framhaldsáfangi til sveinsprófs í snyrtifræði
ANMF3CB04(FB)
9
Andlitsmeðferð
Jurtir, ilmolíur og ýmsar útfærslur á húðmeðferðum– bóklegur áfangi með tenginu í verklega þætti
Samþykkt af skóla
3
4
FB
Í áfanganum læra nemendur um jurtir og notkun þeirra í húðmeðferð, ilmolíur og virkni sérmeðhöndlunar ásamt húðhreinsun. Áhersla er lögð á mismunandi útfærslur eftir ólíkum markmiðum húðmeðferðar til að nemandi öðlist innsæi og skilning á ólíkum verkþáttum og geti markviss valið meðferð að þörfum viðskiptavinar.
Framhaldsáfangar í andlitsmeðferð samkvæmt námsbrautarlýsingu snyrtibrautar.
Nemandi skal hafa öðlast þekkingu og skilning á:
tilgangi og notkun heitra bakstra í meðferð
aðferðum til ná sambærilegri virkni og rafræn meðferð án þess að nota rafræn tæki
hvernig fjarlægja á húðnabba og óhreinindi úr húðholum á árangursríkan hátt og hafa
þekkingu á viðeigandi undirbúningi húðar og eftirmeðferð
helstu virkni jurta og notkun þeirra í húðmeðferð
sögu og hugmyndafræði ilmolía og helstu vinnsluaðferðum þeirra
virkni ilmolía á líkamann og greini mun á þeim og öðrum jurtaolíum
frábendingum í ilmolíumeðferð og varúðarráðstöfunum við notkun þeirra efnum sem notuð eru við leirmaskagerð
mismunandi meðferðarúrræði fyrir ólíkar húðgerðir, eftir kynþætti og kyni
rökum fyrir vali á ólíkum útfærslum verkþátta í húðmeðferð
hugmyndafræði og virkni þrýstipunktanudds i andlitsmeðferð og hvernig slíkt er notað sjálfstætt eða með annarri nuddtækni
hugmyndafræði og virkni nuddaðferða í andlitsmeðferð til viðbótar við hefðbundið sænskt nudd s.s heitra og kaldra steina í andlitsmeðferð eða heitskeljanudd
markvissu vali snyrtivara í meðferð og til heimanota með tilliti til innihaldsefna, lífvirkni þeirra og áhrif
Nemandi skal hafa öðlast leikni í að:
hvernig hægt er að meðhöndla húð á virkan hátt án raftækja, þ.e. auka innsíun húðar og hreinsun
velja jurtir til að búa til jurtaseyði og kunna að nota á mismunandi hátt í meðferð
velja ilmolíur og jurtir eftir tilgangi meðferðar og nota þær á mismunandi vegu í húðmeðferð
velja hvenær hentugt er að nota shiatsunudd, heitsteinanudd eða heitskeljanudd í meðferð
velja leirefni og íblöndunarefni á markvissan hátt til að búa til leirmaska fyrir mismunandi húðgerðir
skilgreina áhersluþætti við húðmeðferð karlmanna og veita þeim viðeigandi ráðgjöf
velja á milli mismunandi meðferðar sem lærð hafa verið, með tilliti til húðgerðar, lífsstíls, fyrri meðferðar og utanaðkomandi þátta
velja markvisst snyrtivörur og rökstyðja val þeirra eftir innihaldsefnum og þörfum viðskiptavinar
Nemandi skal geta hagnýtt þá almennu þekkingu og leikni sem hann hefur aflað sér til að:
velja viðeigandi snyrtivörur í meðferð með tilliti til ástands húðar, markmiðum meðferðar og innihaldsefna
setja upp markvissa meðferð á fleiri en einn veg og hafa hæfileika til að raða verkþáttum upp í ólíkri röð og geta skilgreint markmið og orsakatengsl verkþátta í meðferðinni
ráðleggja framhaldsmeðferð og snyrtivörunotkun á markvissan hátt með tilliti til þarfa viðskiptavinar
sýna fjölbreytni og frumkvæði við efnistök og bera ábyrgð á eigin námsframvindu
Vinnueinkunn (skyndipróf, verkefnavinna, frammistaða í kennslustundum) og lokapróf