Áfanginn er ætlaður nemendum sem stunda íþróttgrein/ar að jafnaði og þeim sem hafa áhuga á líkams- og heilsurækt. Lögð er áhersla á að efla andlegan þroska nemenda og að þeir öðlist skilning á því, hvað þarf til þess að ná bættum árangri í íþróttum. Í áfanganum er lögð áhersla á að nemandinn geti unnið með almenna þætti þjálfunar sem snýr að hreyfingu, þoli, styrk, liðleika og tækni. Markmið og markmiðssetning verða kynnt fyrir nemendum.
Nemandi skal hafa öðlast þekkingu og skilning á:
skipulagi þjálfunar og þjálffræði íþrótta
• helstu hugtökum þolþjálfunar og hvaða þolæfingar nýtast best
• helstu hugtökum styrktarþjálfunar og hvaða styrktaræfingar nýtast best
• helstu hugtökum liðleikaþjálfunar og hvaða liðleikaþjálfun sé besta forvörnin gegn meiðslum
markmiðssetningu og gerð einstaklingsáætlana
íþróttameiðslum, s.s. álagsmeiðslum og meðhöndlun þeirra
Nemandi skal hafa öðlast leikni í að:
framkvæma þolæfingar sem henta og nýta þær
framkvæma styrktaræfingar sem henta og nýta þær
framkvæma liðleikaæfingar og nýta þær
setja sér raunhæf markmið
Nemandi skal geta hagnýtt þá almennu þekkingu og leikni sem hann hefur aflað sér til að:
efla styrkleika sína og vinna að því að þeir nýtist honum sem best
fylgja eftir markmiðum sínum
eflist í eigin vitund, líkamlega jafnt sem andlega
beiti öguðum vinnubrögðum í íþróttum
Námsmat er útfært í kennsluáætlun í samræmi við skólanámskrá.