Það kom upp villa senda inn  Áfangi

    Áfangi Nánari upplýsingar


    Búið til: 1471786470.43

    Inniklæðningar
    INNK3HH05(FB)
    2
    Inniklæðningar
    Inniklæðningar
    Samþykkt af skóla
    3
    5
    FB
    Í þessum áfanga byggingatækni er fræðilegur grunnur glugga- og hurðasmíði, innréttingasmíði og inniklæðninga kynntur fyrir nemendum. Fjallað er um umgengni við efni, vélar, verkfæri og vinnustaðinn með áherslu á verkstæðishluta iðngreinarinnar. Lögð er áhersla á að nemandinn tileinki sér faglega nálgun á þeim verkefnum sem unnin eru samhliða áfanganum. Kenndar eru samsetningar, lausnir og hugtök sem leggja grunninn að góðum vinnubrögðum við smíði á innréttingum, gluggum, hurðum og inniklæðningum. Einnig vinna nemendur verkefni tengd efni áfangans með það fyrir augum að auka áhuga þeirra og kynna þeim mikilvægi þekkingar og fagmennsku í iðngreininni. Kynnt er fyrir nemendum þróun og saga ofantaldra verkþátta. Kenndir eru staðlar og reglugerðir sem ná yfir innihald áfangans.
    Nemandi hafi lokið við áfangana: TRÉS1VT08 Vél- og trésmíði TRÉS1VÁ05 Viðar- og áhaldafræði TRÉS1HV08 Trésmíði og handavinna
    Nemandi skal hafa öðlast þekkingu og skilning á:
    • smíði innréttinga
    • smíði glugga og útihurða
    • framleiðsluferli innréttinga, glugga og hurða
    • notkun efna til framleiðslu innréttinga, glugga og hurða
    • öryggisreglum og öryggisbúnaði við framleiðslu innréttinga
    • hvernig vali á innanhússklæðningum og útfærslu þeirra er háttað
    • helstu tækjum og aðferðum við innanhússklæðningar
    • efnum sem notuð eru við smíði innréttinga, hurða og glugga
    • viðarspæni og plastefnum sem notuð eru til spónlagningar
    • plötuefni og límtré sem notað er í innréttingar og innihurðir
    • framleiðslu málaðra innréttinga úr MDF-plötum
    • notkun glers, málma og dúka í smíði innréttinga og innihurða
    • smíðisfestingum og fylgihlutum
    • helstu samsetningaraðferðum á innréttingum og innihurðum
    • mismunandi lími og límingaraðferðum við spónlagningu
    • mismunandi yfirborðsmeðferð á innréttingum og innihurðum
    • smíðaefnum sem notuð eru við gerð glugga og útihurða
    • samhengi milli snúnings-, skurðar- og mötunarhraða og yfirborðsgæða
    • samsetningaraðferðum á gluggum og útihurðum
    • yfirborðsmeðferð glugga og útihurða
    • gagnvörn smíðaviðar og efnum til yfirborðsmeðferðar
    • öryggisreglum og öryggisbúnaði við fúavörn og yfirborðsmeðferð
    • algengustu burðarkerfum fyrir niðurhengd loft og uppsetningu þeirra
    • hvernig á að leggja parket á stein og tré innanhúss
    • helstu gerðum af gegnheilu og fljótandi parketi og eiginleikum þeirra
    • efnum og áhöldum sem notuð eru við lagningu og slípun parkets
    Nemandi skal hafa öðlast leikni í að:
    • setja upp, smíða og meðhöndla innréttingar, glugga, hurðir og inniklæðningar
    • nota málma og plast við smíði glugga og útihurða
    • setja upp og klæða létta kerfisveggi innanhúss
    • velja smíðisfestingar og fylgihluti
    • velja límtegundir og límingaraðferðir fyrir mismunandi viðartegundir
    • nota vélar og verkfæri við ofantalda verkþætti
    • meðhöndla skaðleg efni
    Nemandi skal geta hagnýtt þá almennu þekkingu og leikni sem hann hefur aflað sér til að:
    • öðlast innsýn í bygginga- og brunamálareglugerð sem varðar innréttingar, glugga, hurðir og inniklæðningar
    • skipuleggja framleiðsluferli
    • velja viðeigandi efnissamsetningar og smíðisfestingar
    • öðlast innsýn í tæknilega viðarvernd við smíði útiglugga og útihurða
    Mælt er með því að námsmat byggi á verkefnavinnu u.þ.b.80% og einu eða fleiri skriflegum prófum u.þ.b. 20%.