Nemendur kynnist almennri notkun á PC-tölvum. Í áfanganum læra þeir að nota ritvinnslu- og glærugerðarforrit til samskipta og vinnu með upplýsingar og gögn á margvíslegu formi við lausn og framsetningu viðfangsefna í námi sínu til verkefnaskila. Nemendur verði færir um að vinna ritgerð með forsíðu, efnisyfirliti og heimildaskrá í sama skjali. Þeir útbúa ferilskrá og setja upp náms- og starfsumsókn í ritvinnslu. Kynningar eru settar upp í glærugerðarforritum. Fjallað um almenn atriði upplýsingalæsis og farið yfir gögn um upplýsingaöflun, útgáfuform upplýsinga, bókasöfn, handbækur, tölvusamskipti, mat á gæðum, áreiðanleika upplýsinga o.s.frv. Ýmis vefverkefni unnin í tengslum við það. Farið er í töflureikni. Áhersla lögð á innslátt, snið, útreikninga, skilyrta útreikninga, föll, gerð myndrita, skilyrta útlitsmótun, goal seek og síun. Boðið er uppá blindskrift í vélritunarforriti á Netinu. Markmið námsins er að stuðla að færni nemenda í fjölbreyttu náms- og starfsumhverfi með hjálp upplýsingatækninnar.
Nemandi skal hafa öðlast þekkingu og skilning á:
aðgerðum í helstu forritum til framsetningar og miðlunar á texta
textavinnslu og framsetningu texta
höfundarrétti og notkun heimilda
siðfræði og siðferði Netsins (upplýsinga- og tölvusiðfræði)
valkostum í fjármálum og viðhorfum til þeirra
Nemandi skal hafa öðlast leikni í að:
nota á markvissan hátt póst- og samskiptanet
móta og setja fram texta á ýmsan hátt og átti sig á læsileika hans
beita aðgerðum í helstu forritum hugbúnaðar svo sem framsetningu og ritvinnslu
nota heimildir og hvernig skuli setja þær fram í skjölum
nota töluleg gögn og setja þau fram
greina valkosti í fjármálum, fjalla um peninga án vandkvæða og gera áætlanir fram í tímann
eiga í öruggum netsamskiptum
beita sjálfstæðum vinnubrögðum
Nemandi skal geta hagnýtt þá almennu þekkingu og leikni sem hann hefur aflað sér til að:
meta, varðveita, skapa og miðla upplýsingum og þekkingu á skipulagðan og skilvirkan hátt (upplýsingalæsi)
vinna að mótun texta á ýmsan máta og stuðla að læsileika hans
setja upp heimildaritgerð, ásamt yfirlitum af ýmsu tagi. S.s efnisyfirlit, mynda- og töfluyfirlit
vinna með töluleg gögn, móta þau og setja fram á myndrænan hátt
nýta möguleika töflureiknis til útreikninga á flókinn máta
greina valkosti í fjármálum og gera áætlanir fram í tímann
stunda örugg netsamskipti og sýni þar gott siðferði
Getur farið fram með mismunandi hætti. T.d með verkefnum og prófum úr hverjum þætti áfangans.