Í áfanganum læra nemendur að fara eftir öryggiskröfum, t.d. um vinnu í hæð, hífingar, verkpalla og notkun flutningatækja, gera hættumat og setja öryggisreglur samkvæmt vinnuumhverfisvísum málmiðnaðar, þekkja viðbragðsáætlun um brunavarnir og bregðast við samkvæmt henni og fara eftir reglum um meðferð spilliefna og úrgangs.
engar
Nemandi skal hafa öðlast þekkingu og skilning á:
hugtökum er varða umhverfi og aðbúnaðarmál í víðum skilningi
helstu tegundum mengunar og uppruna þeirra
aðbúnaði og hollustuháttum á vinnustöðum
vinnulöggjöf og ábyrgð sinni á vinnustað.
Nemandi skal hafa öðlast leikni í að:
undirbúa og skipuleggja verkferla með tilliti til öryggis og umhverfis
nota persónuhlífar og öryggisbúnað
tryggja vinnusvæði á viðeigandi hátt
meðferð og notkun á hífingarbúnaði
setja upp og nota verkpalla og flutningatæki
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja verk frá hönnun til afhendingar með öryggis- og umhverfissjónarmið að leiðarljósi
fara að lögum og reglum sem lúta að öryggis- og umhverfissjónarmiðum
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.