Lögð er áhersla á að nemendur geti skilið inntak sérhæfðra ritmáls- og talmálstexta sem þeir þekkja til eða hafa áhuga á. Nemendur eru þjálfaðir í að nota fjölbreyttan orðaforða og algeng orð og orðasambönd í ræðu og riti. Talþjálfun miðar að því að nemendur læri að orða hugsanir sínar skýrt og skilmerkilega í samtölum og frásögnum. Hver nemandi á að geta lagt til talað efni af tiltekinni lengd eftir markvissan undirbúning, bæði í formi munnlegs prófs og kynningar fyrir samnemendur, þar sem jafningjamati er beitt. Ritþjálfun fer að mestu fram með notkun tölvu. Nemendur eru þjálfaðir í að beita mismunandi stílbrögðum við ritun texta og geta skrifað 200-300 orð viðstöðulaust um efni sem búið er að vinna með. Nemendur eru hvattir til að hlusta á danskt talmál af ýmsu tagi á vefmiðlum. Nemendur lesa mikið af textum almenns eðlis og sérhæfðum textum um sjálfvalið efni. Einnig lesa nemendur a.m.k. eina skáldsögu.
DANS1BG05
Nemandi skal hafa öðlast þekkingu og skilning á:
grundvallaruppbyggingu dansks þjóðfélags
hvernig ólík viðhorf og gildi móta danska menningu
muninum á danskri og íslenskri menningu
hvernig hann flokkar og greinir orðaforða sem nauðsynlegur er til að mæta hæfniviðmiðum þrepsins
hvernig hann miðlar þekkingu sinni munnlega og skriflega
Nemandi skal hafa öðlast leikni í að:
greina mælt mál sem er talað tiltölulega hægt og skýrt á stöðluðum mállýskum
taka þátt í samræðum þar sem þekktur orðaforði kemur við sögu og geta beitt málfari við hæfi
lesa og greina milli ólíkra tegunda texta, t.d. smásagna, frétta og auglýsinga.
tjá sig munnlega skýrt og hnökralaust um málefni sem hann hefur kynnt sér
skrifa margs konar texta, formlega og óformlega, og fylgja helstu rithefðum og reglum um málbeitingu
Nemandi skal geta hagnýtt þá almennu þekkingu og leikni sem hann hefur aflað sér til að:
greina á milli ólíkra lestexta og hlustunarefnis og velja þannig úr efni sem hentar honum til frekari meðhöndlunar
geta tekið þátt, óundirbúinn, í samræðum um efni sem hann þekkir, hefur áhuga á, eða tengist daglegu lífi, og geta gert grein fyrir og haldið skoðunum sínum á lofti
geta tekið þátt í samræðum við dönskumælandi fólk af nokkru öryggi og án mikillar umhugsunar
geta skrifað skýra, nákvæma texta um ýmis efni sem tengjast áhugasviðum sínum, þar sem hugmyndaflug getur fengið að njóta sín
geta skrifað margs konar texta, s.s. ritgerð eða skýrslu, til að koma upplýsingum eða skoðunum á framfæri, og fylgt þeim ritunarhefðum sem eiga við í hverju tilviki
geta skrifað bréf og lagt áherslu á mikilvægi ýmissa atburða og reynslu
Fjölbreytt námsmat endurspeglar markmið áfangans í öllum færniþáttum í samræmi við evrópsku tungumálamöppuna (ETM).
Námsmat er í formi símats; munnlegra og skriflegra smærri og stærri verkefni sem dreifast jafnt yfir önnina. Þau byggja á kennara-, sjálfs- og jafningjamati og á virkni og verkefnaskilum nemenda, þar sem færniþættirnir lesskilningur, hlustun, tal og ritun, auk málfræði eru metnir.