Byggt er markvisst á þeirri kunnáttu sem nemendur hafa nú þegar tileinkað sér.
Unnið er áfram með undirstöðuatriði tungumálsins.
Haldið er áfram að þjálfa nemendur jöfnum höndum í öllum færniþáttum tungumálsins, hlustun, lestri, samskiptum, frásögn og ritun í samræmi við evrópska tungumálarammann.
Áhersla er áfram á framburð, aukningu orðaforða og unnið er með flóknari formgerð frönskunnar. Nemendur kynnast enn frekar franskri menningu og menningu annarra frönskumælandi landa.
Aukin áhersla er á einstaklingsmiðað nám, meira frumkvæði nemenda og að þeir fylgist í sífellu með framvindu náms síns og framförum í samræmi við evrópsku tungumálamöppunni.
Áhersla er á að nemendur geti notað frönskukunnáttu sína við margvíslegar aðstæður í dagleg lífi og geti aflað sér upplýsinga á sjálfstæðan hátt í gegnum helstu upplýsingaveitur.
Fra1AF05
Nemandi skal hafa öðlast þekkingu og skilning á:
orðaforða sem nauðsynlegur er til að mæta hæfnimiðum áfangans
grunnþáttum franska málkerfisins
almennar aðstæður í daglegu lífi, menningu og siðum í Frakklandi og öðrum frönskumælandi löndum
mismun á töluðu og rituðu máli og mismunandi notkun tungumálsins í samskiptum
Nemandi skal hafa öðlast leikni í að:
greina talað mál um kunnugleg almenn efni, greina aðalatriði frá aukatriðum og fylgja almennum fyrirmælum
lesa og greina frekar fjölbreytta texta með algengum orðaforða eins og t.d í lýsingar í ferðabæklingum og nýta sér hagnýt skilaboð úr daglegu lífi
lesa og greina aðalatriði í einfölduðum bókmenntatextum
taka þátt og tjá sig í samræðum um fyrirfram ákveðið efni s.s. vísa til vegar, spyrja og veita upplýsingar um ákveðna þætti, taka þátt í undirbúnu viðtali eða kynningu
segja frá fólki, stöðum eða söguþræði með viðeigandi orðaforða í algengustu sagnatíðum
skrifa samfellda texta í viðeigandi sagnatíð eins og söguútdrátt eða stutta gagnrýni
afla sér upplýsinga í heimildaleit m.a. á veraldarvefnum
Nemandi skal geta hagnýtt þá almennu þekkingu og leikni sem hann hefur aflað sér til að:
hlusta á og greina skýrt talað mál um ákveðið efni sem nemandi hefur þegar aflað sér þekkingar á
rökstyðja og bera saman setningar, skilaboð eða texta um daglegar athafnir
leggja grunn að samræðum þannig að hann rökstyðji, spyrji og svari algengum spurningum um ákveðin málefni
draga ályktanir og nota ákveðin orðasambönd og setningar til þess að segja frá þekktu efni
skipuleggja mismunandi tegundir texta eða frásagna, rökstyðja orðaval og draga eigin ályktanir
Fjölbreytt námsmat endurspeglar markmið áfangans í öllum færniþáttum í samræmi við evrópsku tungumálamöppuna (ETM). Lokaeinkunn byggir á kennara-, sjálfs- og jafningjamati á virkni og verkefnaskilum nemenda, þar sem færniþættirnir lesskilningur, hlustun, tal og ritun, auk málfræði eru metnir.