Meginefni áfangans er námstækni, sjálfsstyrking og einstaklingsmiðuð hvatning. Helstu efnisþættir eru fjölmargar hliðar námstækni eins og tímaskipulag, glósu- og lestrartækni. Mikilvægi þess að vera meðvitaður um eigin heilsu og þá stjórn sem haft er á eigin heilsu og velgengni.
Aðal áhersla áfangans er mikið utanumhald kennara, einstaklingsmiðuð þjónusta gagnvart nemendum og mynda stuðningshóp fyrir nemendur í brottfallshættu. Ásamt þjálfun nemenda í að taka alhliða ábyrgð á sjálfum sér í námi og daglegu lífi.
Engar
Nemandi skal hafa öðlast þekkingu og skilning á:
námstækni sem tæki til að ná árangri í námi og starfi
markmiðssetningu
heilsufari í víðum skilningi, eins og næringu, hreyfingu, andlegri líðan, hugarfari og svefni. Hvernig heilsufar tengist sjálfsmynd og gengi í daglegu lífi.
Nemandi skal hafa öðlast leikni í að:
beita góðri námstækni
setja sér markmið
taka ábyrgð á sjálfum sér í námi og daglegu lífi
þekkja eigin styrkleika og veikleika.
Nemandi skal geta hagnýtt þá almennu þekkingu og leikni sem hann hefur aflað sér til að:
hafa sjálfstraust í verkefnum daglegs lífs
skipuleggja eigin tíma
ná eigin markmiðum í lífinu
ljúka skilgreindu námi.
Í áfanganum er gert ráð fyrir leiðsagnarmati sem byggist á því að nemandinn fá með reglulegum og skipulegum hætti upplýsingar um hvernig hann stendur í náminu. Um er að ræða símatsáfanga þar sem metin er vinna í verkefnum, virkni og þátttaka nemenda í kennslustundum og mæting.