Áfanginn er verklegur og bóklegur og ætlaður nemendum sem stunda íþróttgrein/ar að jafnaði og þeim sem hafa áhuga á líkams- og heilsurækt. Lögð er áhersla á að nemendur öðlist þekkingu á grundvallaratriðum næringafræðinnar og samspili næringar, heilsu og íþróttaiðkunar. Farið verður yfir mikilvægi þess að velja réttu fæðu sem lið í markvissum undirbúningi fyrir hvers konar æfingar og keppni og hvernig það getur haft áhrif á afreksgetu og árangur.
Nemandi skal hafa öðlast þekkingu og skilning á:
grundvallaratriðum í næringarfræði
samspili næringar og heilsu
helstu orkuefnum fæðunnar
mikilvægi góðrar næringar og árangurs í íþróttum
hlutverk fæðubótarefna sem hluta af fæðuinntöku
Nemandi skal hafa öðlast leikni í að:
meta eigin orkuþörf yfir ákveðinn tíma
tímasetja eigin máltíðir fyrir æfingar
tímasetningu vatnsinntöku á æfingum
setja saman matseðla þar sem hollusta og næringargildi er haft að leiðarljósi
Nemandi skal geta hagnýtt þá almennu þekkingu og leikni sem hann hefur aflað sér til að:
meta eigin neysluvenjur
tímasetja máltíðir og vatnsinntöku rétt
velja sem besta næringu hverju sinni
meta samspil orkuþarfar og orkuneyslu og geta brugðist við ef þeirra jafnvægi raskast
meta þörf fyrir neyslu fæðubótarefna
Námsmat er útfært í kennsluáætlun í samræmi við skólanámskrá