Viðfangsefni undanfarans eru rifjuð upp og sett í nýtt samhengi. Nemendur eru þjálfaðir í lesskilningi, tali, hlustun og ritun þar sem fléttað er inn í kennsluna menningu frönskumælandi landa.
Nemendur auka orðaforða sinn og þjálfast í nýjum málfræðiatriðum með hliðsjón af færnimarkmiðum áfangans. Að mestu er lokið við að fara yfir grundvallarþætti fransks málkerfis. Sem fyrr eru nemendur hvattir til sjálfstæðra vinnubragða og að þeir nýti sér ýmis hjálpargögn, s.s. orðabækur, málfræðibækur og netið, við upplýsingaöflun. Samhliða vinnu með aðalkennslubók lesa nemendur einfalda skáldsögu.
FRAN1RB04 eða sambærilegur áfangi
Nemandi skal hafa öðlast þekkingu og skilning á:
þeim orðaforða sem nauðsynlegur er til að ná markmiðum þrepsins
helstu grunnatriðum fransks málkerfis
menningu, helstu samskiptavenjum og siðum þjóðanna
einföldum samskiptum og tjáningu í mæltu og rituðu máli.
Nemandi skal hafa öðlast leikni í að:
fylgjast með frásögnum eða samtölum um almenn efni eða sérhæfðari málefni sem hann þekkir þar sem talað er skýrt og greinilega
fylgja söguþræði í einföldum eða einfölduðum bókmenntatextum
geta aflað sér einfaldra, hagnýtra upplýsinga
geta spurt og svarað spurningum um atburði í þátíð og nútíð
skrifa frásagnir um ýmis efni
skilja texta um almennt og sérhæfðara efni sem fjallað er um í áfanganum.
Nemandi skal geta hagnýtt þá almennu þekkingu og leikni sem hann hefur aflað sér til að:
beita viðeigandi aðferðum við lestur eftir því hver tilgangurinn er hverju sinni
afla sér ýmissa upplýsinga úr mæltu máli, greina helstu atriði þeirra og hagnýta sér í námi og starfi
tileinka sér aðalatriðin í stuttum og/eða einföldum rauntextum af ýmsu tagi og geta dregið ályktanir af því sem hann les
geta beitt mismunandi málsniðum
miðla á einfaldan hátt efni sem hann hefur aflað sér þekkingar á
skipuleggja nám og námsaðferðir við hæfi
nýta þekkingu og leikni til að leysa úr viðfangsefnum einn eða í samstarfi við aðra
meta eigið vinnuframlag og framfarir í áfanganum.
Námsmat er tilgreint í kennsluáætlun og samræmist skólanámskrá.