Í áfanganum verður fjallað um hvernig einstaklingar geta haft áhrif á hegðun hvers annars, tilfinningar, skoðanir og viðhorf. Hlutverk og máttur auglýsinga á einstaklinginn og samfélagið verða skoðuð. Notast verður við hugtök félagssálfræðinnar og skynfræðinnar auk hugtaka úr öðrum fræðum. Hugað verður að nýmiðlum og netheimum. Að auki verður aðferðafræði félagssálfræðinnar kynnt.
Íslenska á öðru þrepi, enska á öðru þrepi.
Nemandi skal hafa öðlast þekkingu og skilning á:
meginstraumum í kenningum félagsálfræðinnar
mikilvægi þess að beita vísindalegum aðferðum við rannsóknir
helstu hugtökum félagssálfræðinnar
mikilvægi góðs siðferðis við rannsóknir
Nemandi skal hafa öðlast leikni í að:
beita grunnhugtökum félagssálfræðinnar
lesa og tengja rannsóknarniðurstöður og kenningar
skoða samhengi félagssálfræðinnar við aðrar vísindagreinar
beita rannsóknaraðferðum á ýmis rannsóknarefni
tjá kunnáttu sína í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig á gagnrýninn hátt um afmarkaða efnisþætti félagssálfræðinnar
finna raunhæfar lausnir á mismunandi viðfangsefnum
sækja þekkingu úr öðrum greinum til aukins skilnings á viðfangsefninu og yfirfæra þekkingu á aðrar greinar til þess að sjá fræðilegt samhengi
geta tekið gagnrýna afstöðu til samfélagslegra álitamála er snúa að félagssálfræðinni
sýna sjálfstæði og ábyrgð í vinnubrögðum
geta metið eigið vinnuframlag og annarra
afla, meta og nota heimildir á viðurkenndan hátt
sjá félagsleg hugðarefni út frá kenningarlegum sjónarhornum félagssálfræðinnar
Námsmat er tilgreint í kennsluáætlun og samræmist skólanámskrá.