Í áfanganum er farið yfir þá grundvallarþætti sem einkenna líf. Byrjað er á helstu efnaflokkum lífvera,
byggingu og mikilvægi lífrænna efna ásamt byggingu og starfsemi dreif- og heilkjarna frumna. Farið er í
grunnleggjandi þætti Mendelskrar erfðafræði ásamt sameindaerfðafræði. Helstu vefir og líffærakerfi
mannsins eru skoðuð með áherslu á æxlun og fósturþroska. Að lokum er þróunarkenningin tekin fyrir og
helstu fylkingar innan plöntu- og dýraríkis kynntar.
Nemandi skal hafa öðlast þekkingu og skilning á:
helstu flokkum lífrænna efna, gerð þeirra og mikilvægi
byggingu og starfsemi dreifkjarna- og heilkjarna frumna
helstu hugtökum innan Mendelskrar erfðafræði gerð og virkni kjarnsýra
kynlausri æxlun og kynæxlun ásamt skiptingu frumna
helstu líffærakerfum manna
þróunarkenningu Darwins
helstu fylkingum dýraríkis
Nemandi skal hafa öðlast leikni í að:
þekkja muninn á ólífrænum og lífrænum efnum
þekkja helsta mun á dreifkjarna- og heilkjarna lífverum og geta sett í samhengi við einfrumunga og fjölfrumunga
segja til um erfðalíkur á víkjandi/ríkjandi/kyntengdum erfðum
setja erfðaefni í samhengi við gerð próteina (afritun, umritun og þýðing)
þekkja mun á kynlausri æxlun og kynæxlun ásamt mun á mítósu og meiósu
þekkja líffæraskipan innan líffærakerfa mannsins
öðlast skilning á tengslum ólíkra lífvera
geta flokkað ýmis dýr í fylkingar og flokka og jafnvel tegundir
framkvæma verklegar æfingar
Nemandi skal geta hagnýtt þá almennu þekkingu og leikni sem hann hefur aflað sér til að:
segja til um hvort ákveðin aðferð sé vísindaleg eða ekki
segja til um hvort efni er lífrænt eða ólífrænt
þekkja dreifkjarna- og heilkjarna frumur af stærð og gerð t.d. á smásjársýnum
þekkja á milli víkjandi, ríkjandi og kyntengdra erfða
aðskilja erfðaefni úr frumum og gera sýnilegt berum augum
skilja kosti kynæxlunar
beita rökum þróunarkenningarinnar
sjá þróunarleg tengsl milli lífvera innan sömu ríkja, fylkinga og flokka
nota vísindalegar aðferðir
skrifa skýrslur eftir verklegar æfingar
nýta þekkingu sína í daglegu lífi
Námsmat er tilgreint í kennsluáætlun og samræmist skólanámskrá.