Meginefni áfangans eru barna- og unglingabókmenntir. Nemendur velta fyrir sér læsi og mikilvægi bóklesturs í uppeldi barna og unglinga. Upphaf, saga og þróun barna- og unglingabókmennta er rakin og áhersla lögð á íslenska menningu í bland við stefnur og strauma erlendis frá. Nemendur lesa fræðigreinar um barna- og unglingabókmenntir og leggja mat á þær. Verkefnavinna nemenda er í forgrunni og skoðaðar verða kvikmyndir og leikrit.
ÍSLE3FR05
Nemandi skal hafa öðlast þekkingu og skilning á:
þróunarsögu íslenskra barna- og unglingabókmennta
eðli, uppruna og tilgang íslenskra barna- og unglingabókmennta
uppeldislegu hlutverki barna- og unglingabókmennta
mikilvægi læsis fyrir börn og unglinga
sögum ætluðum mismunandi aldurshópum
mismunandi tegundum barnabóka
mál- og menningarheimi barna og unglinga
ritgerðasmíð og heimildavinnu
íslensku máli sem nýtist í ræðu og riti
Nemandi skal hafa öðlast leikni í að:
þekkja og skilja sögu og þróun íslenskra barna- og unglingabóka
fjalla af skilningi um afþreyingu fyrir börn og mikilvægi hennar
þekkja einkenni góðra barnabókmennta
leggja mat á fræðigreinar tengdar barna- og unglingabókmenntum
nýta sér fræðileg vinnubrögð við úrvinnslu efnis
rita heimildaverkefni
flytja af öryggi vel upp byggða ræðu eða ítarlega kynningu
Nemandi skal geta hagnýtt þá almennu þekkingu og leikni sem hann hefur aflað sér til að:
meta með gagnrýnum huga barnabækur og barnaefni af ýmsu tagi
meta með gagnrýnum huga fræðigreinar og skrif um barna- og unglingabækur
geta valið og þekkt góðar barna- og unglingabækur
semja efni ætlað börnum og/eða unglingum
beita málinu á viðeigandi hátt við mismunandi aðstæður í ræðu og riti
skrifa skýran, vel uppbyggðan og grípandi texta
tjá rökstudda afstöðu við ýmsar kringumstæður
Námsmat er tilgreint í kennsluáætlun og samræmist skólanámskrá.