Áfanginn er fyrsti söguáfangi nemenda á félagsgreinabraut og mála- og menningarbraut. Fjallað verður um grunnþætti og verklag sögunnar sem fræðigreinar og námsgreinar. Saga mannkyns frá upphafi sögulegs tíma verður rakin fram að frönsku byltingunni 1789 og aðaláhersla lögð á sögu Vesturlanda. Saga Íslands verður rakin samhliða mannkynssögunni.
Menningarlæsi
Nemandi skal hafa öðlast þekkingu og skilning á:
hinum samfellda sögulega tíma
aðalatriðum í sögu Vesturlanda
stoðum vestrænnar menningar
upphafi fræða, vísinda og stjórnmála
helstu atburðum og persónum í sögu Vesturlanda
mikilvægi gagnrýninnar hugsunar
Nemandi skal hafa öðlast leikni í að:
greina orsakir og afleiðingar sögulegra atburða
afla sér heimilda um tiltekin viðfangsefni sögunnar
lýsa samskiptum ríkja og þjóðfélagshópa
Nemandi skal geta hagnýtt þá almennu þekkingu og leikni sem hann hefur aflað sér til að:
bera saman nútíð og fortíð
meta gildi og áreiðanleika heimilda, frásagna og sögulegra skýringa
draga lærdóm af sögulegum mistökum
skilja hvernig nútímasamfélög byggjast á fortíðinni
lesa og túlka kort, myndir og texta
fjalla um söguleg viðfangsefni með viðurkenndum aðferðum og kynna niðurstöður sínar á skipulegan hátt í ræðu og riti
Námsmat er tilgreint í kennsluáætlun og samræmist skólanámskrá.