Hér er um að ræða beint framhald af áfanganum SAGA2FO05. Áfanginn spannar það tímabil í sögu mannkyns sem kennt er við nútíma, þ.e. tímann frá frönsku byltingunni 1789 fram til líðandi stundar. Reynt verður að varpa ljósi á þá samfélagsþróun sem orðið hefur á sviði stjórnmála, búsetu, atvinnu- og efnahagslífs, jafnt innanlands sem utan, á þessu tímabili.
SAGA2FM05
Nemandi skal hafa öðlast þekkingu og skilning á:
helstu aðferðum sögu sem fræðigreinar og námsgreinar
sögu Vesturlanda í grófum dráttum
helstu kenningum í stjórnmálum
helstu persónum sem hafa mótað söguna
helstu atburðum sem hafa haft áhrif á þróun samfélaga
mikilvægi gagnrýninnar hugsunar
Nemandi skal hafa öðlast leikni í að:
greina orsakir og afleiðingar sögulegra atburða
afla sér heimilda um tiltekin viðfangsefni sögunnar
lýsa samskiptum ríkja og þjóðfélagshópa
lesa sagnfræðilega texta
Nemandi skal geta hagnýtt þá almennu þekkingu og leikni sem hann hefur aflað sér til að:
bera saman nútíð og fortíð
meta gildi og áreiðanleika heimilda, frásagna og sögulegra skýringa
draga lærdóm af sögulegum mistökum
skilja hvernig nútímasamfélög byggjast á fortíðinni
lesa og túlka kort, myndir og texta
afla sér upplýsinga með margvíslegum hætti og í ólíkum upplýsingamiðlum
stunda sjálfstæð og fræðileg vinnubrögð við umfjöllun sögulegra viðfangsefna
tengja sögu við aðrar fræðigreinar
fjalla um söguleg viðfangsefni með viðurkenndum aðferðum og kynna niðurstöður sínar á skipulegan hátt í ræðu og riti, t.d. í ritgerð og/eða fyrirlestri
Námsmat er tilgreint í kennsluáætlun og samræmist skólanámskrá.