Áfanginn er tvískiptur:
Í fyrri hlutanum verður stiklað á stóru í íslenskri bókmenntasögu frá síðmiðöldum allt fram til 1900. Rýnt verður í inntak og form bókmennta og áhersla er lögð á ritun hvers konar, ekki síst frumsamda texta.
Í seinni hlutanum munu nemendur lesa íslensk ljóð og þýdd frá öllum tímum með það fyrir augum að skilja mikilvægi þeirra í menningu þjóðarinnar. Lögð er áhersla á að þeir geti sett ljóðin í sögulegt samhengi og greint með hugtökum bókmennta- og bragfræði.
Áhersla verður lögð á sköpun, að nemendur geti sett saman rétt kveðnar vísur og samið ljóð út frá eigin áhugasviði. Eins verður ljóðaflutningur tekinn til umfjöllunar og nemendur fá þjálfun í ljóðalestri.
Hugtakið ljóð verður notað í víðum skilningi um persónulega, lýríska tjáningu sem spannar allt svið ljóðlistar frá trúarlegum ljóðum til dægurlaga og rapps.
ÍSLE3FR05
Nemandi skal hafa öðlast þekkingu og skilning á:
helstu verkum lærdómsaldar með áherslu á Hallgrím Pétursson
boðskap upplýsingarmanna með áherslu á Eggert Ólafsson
áhrifum rómantíkur með áherslu á Jónas Hallgrímsson
ólíkum gerðum ljóða að fornu og nýju
bókmennta- og bragfræðihugtökum
sögulegum bakgrunni ljóða og höfunda
hvernig orðaforði og málfar hefur þróast í kveðskap
Nemandi skal hafa öðlast leikni í að:
að skilja og nota bókmennta- og bragfræðihugtök
að flytja bundinn og óbundinn kveðskap
að skilja ljóð frá öllum tímum
greina efni og form ljóða og tengja við tímabil
fjalla um bókmenntir í sögulegu samhengi
gera grein fyrir einkennum bókmennta í ræðu og riti
vinna með texta frá mismunandi tímum
Nemandi skal geta hagnýtt þá almennu þekkingu og leikni sem hann hefur aflað sér til að:
setja saman vísur og semja ljóð
að túlka ljóð og setja í menningarlegt samhengi
að skrifa vandaðan texta um ljóð og höfunda
fjalla um og skilja helstu bókmenntaverk Íslendinga frá fyrri tíð
skrifa vandaðar ritgerðir með fjölbreyttum stílbrögðum
halda fyrirlestra og ræður á góðu íslensku máli og af öryggi
Námsmat er tilgreint í kennsluáætlun og samræmist skólanámskrá.