Í áfanganum er unnið með alla þætti íslenskunnar með sérstakri áherslu á tjáningu. Unnið er að því að efla þekkingu, leikni og hæfni nemenda í notkun tjáskiptaleiða sem henta hverjum og einum. Megin áhersla er lögð á að viðhalda og byggja ofan á þann grunn sem nemendur búa þegar að. Ýmsum kennsluaðferðum og námsmatsþáttum er beitt, s.s. umræðum í litlum og/eða stórum hópum, framsagnarverkefnum, hugtakaverkefnum og fjölbreyttum verkefnum sem stuðla að því að styrkja sjálfstraust nemenda. Notast er við aldursmiðaðar bókmenntir, sjálfshjálparbækur, íslenska tónlist og fjölbreytt verkefni.
Nemandi skal hafa öðlast þekkingu og skilning á:
samskiptaleið sem hentar viðkomandi
skoðanafrelsi og/eða tjáningarfrelsi einstaklinga
mikilvægi þess að láta skoðanir sínar í ljós og hlusta á sjónarmið annarra.
Nemandi skal hafa öðlast leikni í að:
tjá sig fyrir framan nemendahópinn
virða skoðanir annarra
taka þátt í umræðum og tjá eigin skoðanir
leggja mat á eigin verkefni og/eða frammistöðu.
Nemandi skal geta hagnýtt þá almennu þekkingu og leikni sem hann hefur aflað sér til að:
vera meðvitaður um styrkleika sína
spyrja spurninga og hlusta á sjónarmið annarra af víðsýni
bera virðingu fyrir skoðunum annarra
kynna sjálfan sig með fullu nafni og svara spurningum um fyrirfram ákveðið viðfangsefni
bíða eftir að röðin komi að honum.
Í áfanganum er gert ráð fyrir leiðsagnarmati en í því felst að nemandinn fái með reglulegum og skipulegum hætti upplýsingar um hvernig hann stendur í náminu.