Nemendur öðlast grunnþekkingu á virkni og notkun tölvustýrðra iðnaðarvéla. Þeir kynnast öllum öryggisatriðum í umgengni við slíkar vélar. Nemendur geta smíðað grip samkvæmt teikningu í tölvustýrðri iðnaðarvél (rennibekk, fræsivél, skurðarvél, suðuþjark eða beygjuvél). Nemendur fá innsýn í helstu forrit sem notuð eru og leysa einföld verkefni.
IÐNT2AC05
Nemandi skal hafa öðlast þekkingu og skilning á:
helstu gerðum tölvustýrðra málmvinnsluvéla
helstu forritum sem slíkar vélar byggja virkni sína á
Nemandi skal hafa öðlast leikni í að:
beita tölvustýrðum vélum við smíði hluta úr málmi
Nemandi skal geta hagnýtt þá almennu þekkingu og leikni sem hann hefur aflað sér til að:
nýta sér þá möguleika sem tölvustýrðar vélar bjóða upp á við lausn viðfangsefna sem starfið snýst um að leysa
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá.