Í áfanganum er fjallað um viðeigandi framkomu og snyrtimennsku til að nemanda líði sem best í daglegu lífi.
Nemandi skal hafa öðlast þekkingu og skilning á:
að viðeigandi framkoma og snyrtimennska leiðir til fleiri tækifæra til dæmis varðandi vinsældir í hópi
að viðeigandi framkoma og snyrtimennska veitir meiri líkur á tækifærum á sviði tómstunda, náms og vinnu
að hreinlæti er nauðsynlegt
að skortur á hreinlæti getur valdið sjúkdómum, vondri lykt eða öðrum óþægilegum kvillum
að viðeigandi klæðnaður er mikilvægur.
Nemandi skal hafa öðlast leikni í að:
kynna sig
heilsa á viðeigandi hátt
svara þegar á hann er yrt
bíða eftir að röðin komi að honum
hagræða fötum og velja viðeigandi klæðnað
nota viðeigandi snyrtivörur
nota tannbursta og tannkrem
þvo hendur og líkama.
Nemandi skal geta hagnýtt þá almennu þekkingu og leikni sem hann hefur aflað sér til að:
temja sér viðeigandi framkomu
sinna eigin hreinlæti
vita hvaða klæðnaður hentar hverju sinni.
Í áfanganum er gert ráð fyrir leiðsagnarmati en í því felst að nemandinn fái með reglulegum og skipulegum hætti upplýsingar um hvernig hann stendur í náminu.