Í áfanganum er áhersla lögð á andlegt, líkamlegt og félagslegt heilbrigði. Einnig samspil einstaklings, aðstæðna og umhverfis. Notast er við atburði líðandi stundar sem umræðuefni og sögulegar staðreyndir. Megin áhersla er lögð á að nemandinn viðhaldi og byggi ofan á þann grunn sem hann býr nú þegar að.
Nemandi skal hafa öðlast þekkingu og skilning á:
hugtökunum heilbrigði og velferð
mikilvægi þess að nýta hæfileika sína
mikilvægi þess að borða heilsusamlega
mikilvægi hreyfingar og hvíldar
hugtökunum hollusta, hvíld, hreyfing, hreinlæti, hamingja, hugrekki og kynheilbrigði.
Nemandi skal hafa öðlast leikni í að:
skoða og meta eigið heilbrigði og eigin velferð
vinna með öðrum
taka tillit til annarra
sýna samkennd
taka þátt í umræðum og tjá eigin skoðanir.
Nemandi skal geta hagnýtt þá almennu þekkingu og leikni sem hann hefur aflað sér til að:
vera meðvitaður um styrkleika sína
spyrja spurninga og hlusta á sjónarmið annarra af víðsýni
tileinka sér jákvætt hugarfar
auka eigið heilbrigði og velferð.
Í áfanganum er gert ráð fyrir leiðsagnarmati en í því felst að nemandinn fái með reglulegum og skipulegum hætti upplýsingar um hvernig hann stendur í náminu.