Í áfanganum er áhersla lögð á að nemendur kynni sér ýmis störf og mismunandi vinnustaði. Námið felur í sér að nemendur þjálfist í að beita mismunandi aðferðum og verklagi. Starfsnám getur farið fram í skólanum og úti á vinnustöðum. Með því að tengja námið við vinnustaði öðlast nemendur oft aðra sýn á námið í skólanum og tilgangur námsins verður skýrari.
Nemandi skal hafa öðlast þekkingu og skilning á:
fjölbreyttum vinnustöðum
mikilvægi þjálfunar og undirbúnings áður en farið er út á vettvang
mikilvægi þess að fara út á vinnumarkaðinn að skóla loknum
þeim hættum sem geta verið í starfsumhverfinu.
Nemandi skal hafa öðlast leikni í að:
beita fjölbreyttu verklagi
vinna eftir skipulagi
mæta til vinnu á réttum tíma
fylgja hreinlætisreglum á vinnustað
fylgja samskiptareglum á vinnustað.
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í atvinnulífinu
vinna verkefni sjálfstætt eða eftir leiðsögn
hafa trú á eigin færni og sjálfstraust til þess að takast á við ný verkefni
biðja um aðstoð ef þess þarf
tilheyra starfsmannahópi.
Í áfanganum er gert ráð fyrir leiðsagnarmati en í því felst að nemandinn fái með reglulegum og skipulegum hætti upplýsingar um hvernig hann stendur í náminu. Áhersla er lögð á mætingu og ástundun.