Í áfanganum fá nemendur tækifæri til að kynna sér mismunandi vinnustaði. Við val á vinnustöðum er tekið mið af óskum nemenda. Starfsnámið er skipulagt í samráði við vinnuveitendur og hefur kennari eða annar starfsmaður skólans umsjón með starfsnáminu. Nemendur vinna eftir vinnulistum sem taka mið af aðstæðum hverju sinni.
Nemandi skal hafa öðlast þekkingu og skilning á:
fjölbreyttum vinnustöðum
undirstöðuþáttum þess vinnustaðar sem hann kýs í sínu starfsnámi
þeim áhöldum, tækjum og tólum sem ætlast er til að viðkomandi nýti sér eða meðhöndli á vettvangi
hættum sem geta verið í starfsumhverfinu.
Nemandi skal hafa öðlast leikni í að:
velja sér vinnustað út frá raunhæfum markmiðum
vinna sjálfstætt eða undir leiðsögn
fylgja fyrirmælum
fylgja hreinlætisreglum á vinnustað
fylgja samskiptareglum á vinnustað
koma sér til og frá vinnu á réttum tíma.
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í atvinnulífinu
biðja um aðstoð ef þess þarf
tilheyra starfsmannahópi.
Í áfanganum er gert ráð fyrir leiðsagnarmati en í því felst að nemandinn fái með reglulegum og skipulegum hætti upplýsingar um hvernig hann stendur í náminu. Áhersla er lögð á mætingu og ástundun.