Það kom upp villa senda inn  Áfangi

    Áfangi Nánari upplýsingar


    Búið til: 1481217862.07

    Hleðslukerfi og rafhreyflar
    BRAF3RH05
    15
    Rafmagn í bíliðngreinum
    hleðslukerfi, rafmagn
    Samþykkt af skóla
    3
    5
    AV
    Farið yfir ýmsar gerðir rafala, íhluti þeirra og spennustillingu, viðhald og viðgerðir. Yfirlit yfir hlutverk íhluta, prófanir þeirra og hleðslukerfa í heild þ.m.t. rafgeyma, bæði hefðbundna blýsýrurafgeyma og aðrar gerðir rafgeyma svo sem Nikel-metal, hydrid og Li-ion gerðir rafgeyma sem notaðar eru í nýorkubifreiðum. Farið yfir ýmsar gerðir rafhreyfla sem notaðir eru í rafbifreiðum. Farið yfir uppbyggingu rafhreyfla. Farið yfir gerð og uppsetningu stýrikerfa fyrir rafbifreiðar. Yfirlit yfir hlutverk íhluta og prófanir þeirra. Nemendur vinna við mat og prófun, helstu hluta rafbúnaðar. Skoðuð ýmis atriði sem tengjast orkunýtni og áhersla lögð á útreikninga og stærðagildi í rafbifreiðum við ýmsar aðstæður. Farið er yfir áhrif mengunar með hliðsjón af gróðurhúsaáhrifum. Áhersla á meðferð mæli- og prófunartækja og hættur samfara umgengni um rafbúnað.
    Nemandi skal hafa öðlast þekkingu og skilning á:
    • ýmsum gerðum rafala, íhlutum þeirra og spennustillum
    • ýmsum gerðum rafgeyma þ.m.t. í rafbifreiðum
    • hættum í umgengni um háspennurafbúnað ökutækja
    • reglum um meðferð og notkun mæli- og prófunartækja
    • reglum um vinnu við háspennukerfi í ökutækjum
    • ýmsum gerðum rafhreyfla og rafhreyfibúnaðar í ökutækjum
    • heildarvirkni rafbúnaðar rafbifreiða
    • hættum við vinnu við rafbifreiðar
    Nemandi skal hafa öðlast leikni í að:
    • mæla straumframleiðslu og hleðsluspennu
    • prófa hleðslukerfi í ökutækjum
    • taka rafala úr ökutæki, prófa, gera við og setja aftur í ökutækið
    • prófa og hirða um rafgeyma
    • mæla straumnotkun og spennufall rafkerfis rafbifreiða
    • taka rafgeymi úr bifreið með háspennubúnað
    • prófa rafhreyfla rafbifreiða
    Nemandi skal geta hagnýtt þá almennu þekkingu og leikni sem hann hefur aflað sér til að:
    • lýsa uppbyggingu hleðslukerfa í rafknúnum ökutækjum
    • lýsa virkni stýringar rafbúnaðar rafbifreiða
    • lýsa virkni og gerð helstu rafhreyfla í ökutækjum
    • lýsa aðferðum við að aftengja háspennubúnað frá lágspennubúnaði í rafbifreiðum
    • lýsa ýmsum stjórnbúnaði rafhreyfla og rafgeyma
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.