Nemendur læra um hvernig orka í eldsneyti breytist m.a, í hreyfiorku og varmaorku og hvernig hún nýtist til að knýja skipið áfram. Þeir læra um grunnþætti gufukatla og eim framleiðslu. Nemendur læra að útleiða formúlur sem koma fyrir í námsefninu, útskýra gildi breytnanna í formúlunum og beita þeim á viðeigandi hátt við lausn verkefna.
VÉLF1GR05
Nemandi skal hafa öðlast þekkingu og skilning á:
Sankey línuriti, hlutverki þess og notkun
umbreytingar á orku við notkun brunavéla og varmajöfnuði
nýtingu orku í brunavélum og nýtingu orku við að knýja skip áfram
mótstöðu skipa í sjó og olíunotkun
hvernig haga skuli vali á vélar- og skrúfustærð til að skip nái tilteknum ganghraða
neðra og efra varmagildi olíu og aðferðum við mælingu varmagildisfullkomnum bruna og orsökum ófullkomins bruna
eldsneytisnotkun bulluvéla og orkudreifingu
fræðilegri loftþörf, loftaukatölu og raunverulegri loftþörf brunavéla og katla
notkun eims við aflfærslu, notkun á eimtöflum, myndunarvarma og nýtni katla.
aflþörf dælukerfa og dælna
kennilínu miðflóttaaflsdælu
Nemandi skal hafa öðlast leikni í að:
gera grein fyrir fjölbreyttum vélfræðilegum viðfangsefnum með notkun stærðfræði
nota mismunandi vélfræðilegar mælieiningar við útreikninga
reikna út aflþörf og orkunotkun
Nemandi skal geta hagnýtt þá almennu þekkingu og leikni sem hann hefur aflað sér til að:
útleiða formúlur sem fyrir koma í námsefninu, útskýra gildi breytanna í formúlunni og geta beitt þeim við lausn verkefna. Þessi verkefni geta verið í ýmsum verklegum áföngum, t.d. við bilanagreiningu og í daglegum störfum vélstjóra
gera tillögur varðandi val á vélum, kötlum og ýmsum vélbúnaði skipa