Áfanginn er bæði verklegur og bóklegur Í þessum áfanga öðlast nemandinn þekkingu á undirstöðuatriðum varmafræðinnar, á uppbyggingu kælikerfa, þeim einingum sem mynda kælikerfi og hlutverki hinna einstöku þátta þeirra. Fjallað er um mælieiningar í kælitæki, varmaflutning (leiðni, streymi og geislun), eðlisvarma efna, ástandsbreytingar efna, helstu hugtök kælitækninnar, hx- og log ph-línurita og notkun þeirra í kælitækni. Fjallað er um einföld kælikerfi eins og þau sem notuð eru í ísskápum og sambyggðum ísskápum og frystum, um notkun kælingar við varðveislu matvæla, einlínumyndir fyrir einföld kælikerfi og helstu táknmyndir, stjórnun einfalds kælikerfis. Notkun mælabrettis er útskýrð, lekaleit í kælikerfum með leitarlampa, afhrímingu kælikerfa og orsakir hrímmyndunar. Algengum reikniaðferðum er beitt þar sem við á. Fjallað er um frystingu og kælingu matvæla og áhrif á eiginleika þeirra. Fjallað er um efnafræði kælimiðla, förgun þeirra og óæskileg áhrif á umhverfið.
Engar
Nemandi skal hafa öðlast þekkingu og skilning á:
sögu kælitækninnar
kælingu matvæla
SI-kerfi
þrýsti- og hitamælum
afli og orku
eðlisvarma og fasabreytingu efna
línuritum sem notuð eru við kælitækni
á einföldum kælikerfum
reikningsaðferðum sem notaðar eru við útleiðingu í kælitækni
eiginleikum kælimiðla
Nemandi skal hafa öðlast leikni í að:
rekja einfalt kælikerfi
lesa af þrýsti- og hitamælum
reikna út orku við fasaskipti
lesa úr línuritum
sækja upplýsingar í töflur
skilja eiginleika kælimiðla
nota einingar og tákn fyrir kælikerfi og kælimiðla
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra uppbyggingu og vinnuferli á kælikerfi
útskýra samhengi þrýstinga og hitastigs og vinna með þær breytur
gera tilraunir með fasaskipti efna og sanna þær verklega og bóklega