Nemendur fá þjálfun í rekstri vélbúnaðar, öflun upplýsinga um ástand hans með mælitækjum og lestri úr upplýsingum og samanburði á þeim til þess að ná hagkvæmustu keyrslu niðurstöðum. Áfanginn er framhald af vél-, kæli- og stillitækni þar sem nemendur byggja ofan á fyrra nám.
VÉLS2BA07, KÆLI1GR03
Nemandi skal hafa öðlast þekkingu og skilning á:
hvernig afla má upplýsinga um ástand vélbúnaðar með mælitækjum
mati á upplýsingum, þ.e. samanburði mældra gilda við eðlilegt eða æskilegt ástand
hvernig setja má niðurstöður mælinga og athugana fram í skýrsluformi
Nemandi skal hafa öðlast leikni í að:
gangsetja og reka mismunandi vélbúnað
gera verklegar æfingar og tilraunir með varmajöfnun í kælikerfi og skrá niðurstöður
gera verklegar æfingar og tilraunir með varmajöfnun í eimkerfi og skrá niðurstöður
gera verklegar æfingar og tilraunir með nýtni og afldreifingu miðflóttaaflsdælu og skrá niðurstöður
gera verklegar æfingar og tilraunir með nýtni og afldreifingu miðflóttaaflsdælu og skrá niðurstöður
gera verklegar æfingar og tilraunir með stillingu þensluloka og þrýstiliða kælikerfis og skrá niðurstöður
gera verklegar æfingar og tilraunir með afkastastýringu kælikerfis með mótþrýstiloka og skrá niðurstöður
gera verklegar æfingar og tilraunir með skrúfulínurit skips og skrá niðurstöður
gera verklegar æfingar og tilraunir með álagslínurit aðalvélar skips og skrá niðurstöður
Nemandi skal geta hagnýtt þá almennu þekkingu og leikni sem hann hefur aflað sér til að:
taka ákvarðanir um viðbrögð ef niðurstöður mælinga á vélbúnaði gefa tilefni til
skrifa skýrslu þar sem æfingar og niðurstöður eru rökstuddar og sannaðar á skilvirkan hátt, nemanda og öðrum til gagns