Nemandinn nýtir sér áunna færni frá fyrri stigum námsins til að efla fagmennsku og sjálfstæð vinnubrögð við hönnun og framkvæmd á klippingu. Hann öðlast færni í að greina möguleika og ráðleggja viðskiptavini um val á klippingu með hliðsjón af líffræðilegum þáttum og þeim tískustraumum sem eru ráðandi í samfélaginu hverju sinni. Nemandinn þjálfast í hraða og tækni við margbreytilegar klippingar og styrkist enn frekar í fagmannlegri framkomu, samskiptum, tjáningu, gerð verklýsinga.
HDAM3FB03BH
Nemandi skal hafa öðlast þekkingu og skilning á:
mismunandi tískulínum sem eru ráðandi hverju sinni og útfærslum á þeim.
mismunandi samspili klippingar og hárlitar.
þeim líffræðilegu þáttum sem hafa áhrif á möguleika viðskiptavinar á vali á klippingu.
tjáningu og fagmannlegri framkomu.
Nemandi skal hafa öðlast leikni í að:
klippa dömuklippingu/tískulínur á módeli út frá eigin verklýsingu og hönnun.
klippa módel samkvæmt óskum þess og gera verklýsingu fyrir verkið.
gefa ráð um val og form á klippingu með hliðsjón af líffræðilegum þáttum og ráðandi tískustraumum.
lýsa verki sínu í máli og myndum.
Nemandi skal geta hagnýtt þá almennu þekkingu og leikni sem hann hefur aflað sér til að:
ráðleggja viðskiptavini um val á klippingum sem hæfa hverju sinni.
beita fjölbreyttum aðferðum, áhöldum og tækni við klippingu eftir því sem við á.
klippa innan ákveðinna tímamarka.
hanna tískulínur og útskýra það sem framkvæmt er fyrir viðskiptavini og öðrum í máli og myndum.
ganga vel um vinnusvæði, gæta öryggis og hreinlætis.