Í áfanganum læra nemendur að kenna börnum og unglingum undirstöðuatriði í blaki. Lögð er áhersla á kennslu knatttækni og leikfræði fyrir byrjendur. Stefnt er að því að nemendur öðlist ákveðna grundvallarfærni í greininni. Farið er yfir helstu atriði í þjálffræði barna og mikilvægi þess að leikurinn sé greindur í sundur í smá einingar, leikæfingar. Áfanginn er bóklegur og verklegur. Nemendur þjálfist í kennslu blaks hjá börnum.
Nemandi skal hafa öðlast þekkingu og skilning á:
tækniþáttum blaks
leikfræði
leikreglum
þjálfunaraðferðum
kennslufræði
skipulagi á þjálfun
sögu blaksins
Nemandi skal hafa öðlast leikni í að:
framkvæma grunnæfingar í blaki
eiga samskipti við iðkendur og aðra sem koma að greininni
útbúa tímaseðla
beita mismunandi þjálfunaraðferðum háð aldri
Nemandi skal geta hagnýtt þá almennu þekkingu og leikni sem hann hefur aflað sér til að:
þjálfa og leiðbeina börnum í blaki
geta útbúið áætlanir
dæmt blak
Getur farið fram með margvíslegum hætti meðal annars með verklegum prófum, skriflegum lokaprófum, verkefnavinnu. Einnig má meta mætingu og virkni nemenda til einkunnar