Farið er yfir virkni höfuðdælu og stjórnbúnaðar í vökvahemlakerfum, áhersla lögð á eftirfarandi þætti: þrýstijöfnun, hleðsluskynjun, þrýstitakmörkunar- og viðvörunarbúnað. Gerð verkefni um prófun og stillingu. Nemandinn fær þjálfun við hemlunarprófun. Farið í að meta slit og ástand skála og diska og æfingar í að renna diska.
Nemandi skal hafa öðlast þekkingu og skilning á:
höfuðdælum og stjórnbúnaði í vökvakerfum: þrýstijöfnun, hleðsluskynjun, þrýstitakmörkunar- og viðvörunarbúnaði
tækjum sem notuð eru til að renna hemladiska
vinnubrögðum við að þvo/hreinsa íhluti og meðhöndla fyrir samsetningu
Nemandi skal hafa öðlast leikni í að:
renna hemladiska
gera viðeigandi stillingar í hemlakerfi, þ.m.t. stöðuhemlum
gera ítarlega hemlaprófun
Nemandi skal geta hagnýtt þá almennu þekkingu og leikni sem hann hefur aflað sér til að:
lýsa virkni og metið ástand og virkni höfuðdælu og stjórnbúnaðar vökvahemlakerfis
lýsa virkni og metia ástand og virkni þrýstijöfnunar, hleðsluskynjunar, þrýstitakmörkunar- og viðvörunarbúnaðar vökvahemla
Verklegt mat; nemandinn bendir á og lýsir hlutverki og virkni ýmissa ventla og skynjara í hemlakerfi. Hann lýsir vinnu við hemlakerfi og íhluti. Rennir hemladiska. Lýsir og/eða sýnir hreinsun hemlahluta. Gerir ýtarlega hemlaprófun. Nemendur útskýra kröfur um hemla í reglugerð um gerð og búnað ökutækja. Skriflegt mat; nemandinn leysir próf úr tæknilýsingu og viðgerðalýsingum hemlakerfa.