Gerður er samanburður á eldsneyti ökutækj s.s. metan, bensín og fjölblendiökutækja. Farið er yfir helstu gerðir innsprautunarkerfa ottóhreyfla, vélræn og rafræn, einspíssa og fjölspíssa. Farið er yfir brunaferil í hreyfli og samband kveikitíma annars vegar og álags og snúningshraða hreyfils hins vegar. Einnig spennuþörf til íkveikju.
Gerðar eru mælingar á fæði- og kerfisþrýstingi eldsneytis. Farið yfir kerfisþrýsting ýmissa kerfa. Skoðuð eru kveikikerfi, þ.e. snertustýrt háspennukefli og rafeindastýrt háspennukefli (span-skynjarar og Hall-skynjarar).
Þjálfuð er notkun mæli- og prófunartækjanna sveiflusjár, afgasgreinis og skanna. Farið er yfir samvirkni ýmissa þátta í vinnu brunahreyfla ásamt virkni og prófun skynjara.
Áhersla er lögð á varúð í umgengni við kveikibúnað vegna hárrar spennu, íkveikihættu og slysahættu. Farið yfir reglugerðir fyrir ökutæki sem nýta óhefðbundið eldsneyti.
Nemandi skal hafa öðlast þekkingu og skilning á:
mæliatriðum sem varða innsprautunar-og kveikikerfi
gangverki hreyfils með innsprautunar-og kveikikerfi
íkveikihættu vegna eldsneytis og eitrunarhættu af útblástursgasi
mæli- og prófunartækjum: þrýstimælum, fjölsviðsmælum, sveiflusjá, afgasgreini og skanna
hættum af háþrýstibúnaði eldsneytiskerfa
Nemandi skal hafa öðlast leikni í að:
prófa og skipta um eldsneytisspíssa og/eða hreinsað þá
mæla fæði- og kerfisþrýstingi í eldsneytiskerfi
sækja bilanakóða í tölvu hreyfils með prófunartæki
afgasmæla útblástur frá hreyfli bifreiða
skipta um rekstrarhluti í kveikikerfi, s.s. kveikikerti
Nemandi skal geta hagnýtt þá almennu þekkingu og leikni sem hann hefur aflað sér til að:
lýsa gerð og virkni helstu gerða eldsneytiskerfa ottóhreyfla
lýsa gerð og virkni helstu gerða kveikikerfa ottóhreyfla
benda á helstu íhluti og lýst hlutverki þeirra
lýsa virkni metankerfis ökutækja
skipta um íhluti innsprautunar-og kveikikerfis hreyfla
lýsa virkni hreinsibúnaðar hreyfla, útblásturshvarfakúti, loftræstingu sveifarhúss og eldsneytisgeymis
Verklegt mat; nemandinn bendir á og lýsir kerfum og búnaði sem áfanginn spannar. Hann sýnir að hann getur beitt þeim mælitækjum og prófunarbúnaði sem varða áfangann. Skriflegt mat; nemandinn leysir próf um vélfræðilega þætti áfangans og um líkamlegar hættur og mengunarhættu umhverfis.