Kynnt eru grunnhugtök og meginviðfangsefni markaðsfræðinnar. Áhersla er lögð á að auka skilning nemenda á gildi markaðsstarfs fyrir neytendur, fyrirtæki og samfélagið í heild. Leitast er við að nemendur tileinki sér markaðslega hugsun. Fjallað er um söluráð og samval þeirra við markaðssetningu. Kynnt eru fyrir nemendum helstu atriði er varða umhverfi fyrirtækja, markaðshlutun, markaðsrannsóknir, markaðsáætlanir og vinnubrögð við markaðssetningu. Æskilegt er að gefa nemendum kost á að kynnast vinnubrögðum í markaðssetningu með því að vinna að hagnýtu verkefnum á því að sviði
Engar
Nemandi skal hafa öðlast þekkingu og skilning á:
tilgangi og hugmyndafræði markaðsfræðinnar
þýðingu markaðsstarfs fyrir fyrirtæki og samfélag
samspili þarfa og markaðsstarfs
umhverfisgreiningu á áhrifum mismunandi sviða umhverfisins á fyrirtæki
samkeppnisgreiningu
markaðshlutun og mikilvægi þess í öllu markaðsstarfi
kaupvenjum á neytenda – og fyrirtækjamarkaði
samvali söluráða
hugtökum og hugmyndum varðandi vöruþróun og vörur
hugtökum og hugmyndum varðandi verð og verðstefnur
hugtökum, hugmyndum og aðferðum varðandi kynningar
hugtökum og hugmyndum varðandi dreifingu og staðsetningu
grundvallarhugmyndum varðandi markaðsrannsóknir og markaðsáætlanir
Nemandi skal hafa öðlast leikni í að:
nota aðferðir og verkfæri markaðsfræði við lausn ýmissa raunhæfra verkefna
greina þarfir sem liggja að baki ýmsum vörum og/eða viðskiptum
framkvæma einfalda umhverfisgreiningu
framkvæma einfalda samkeppnisgreiningu
framkvæma einfalda markaðshlutun út frá gefnum breytum
velja saman söluráða samkvæmt gefnum forsendum
lesa í kaupvenjur einstaklinga og fyrirtækja
staðsetja vörur á lífskeiði hennar og setja fram raunhæfa áætlun um markaðsáherslur út frá þeirri greiningu
skilgreina vöru út frá fimm þrepa skilgreiningu
greina smákeppnisþætti vöru
sýna leið vöru í gegnum vöruþróunarferlið með raunhæfu dæmi
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra mikilvægi markaðsfræðinnar fyrir einstaklingi, fyrirtæki og samfélagi
finna lausn á raunverulegum viðfangsefnum á svið markaðsfræði
taka þátt í umræðu um markaðsmál með skilningi og út frá faglegu sjónarmiði
lesa um málefni tengd markaðsmálum með skilningi
beita upplýsingatækni við öflun upplýsinga og lausn verkefna
nýta eigin reynslu af atvinnu og atvinnulífi við lausn verkefna
notað ýmis verkfæri stjórnunar til að auðvelda skipulagningu og gera stjórnun árangursríka
notað hugmyndir, aðferðir og verkfæri markaðsfræðinnar til árangursríkrar markaðsetningar
Námsmat er útfært í kennsluáætlun í samræmi við skólanámskrá.