Það kom upp villa senda inn  Áfangi

    Áfangi Nánari upplýsingar


    Búið til: 1488652070.16

    Öryggisbúnaður S.R.S
    BMRÖ4ÖS05
    2
    Öryggisbúnaður
    S.R.S, Öryggisbúnaður
    Samþykkt af skóla
    4
    5
    AV
    Farið yfir öryggisbúnað, m.a. loftpúða og beltastrekkjara, einnig er farið yfir annan þann búnað sem er skilgreindur sem SRS. Áhersla er lögð á hættur af umgengni við öryggis- og verndarbúnað með sprengihleðslu, s.s. púða í stýri, mælaborði, hnjápúða og í hliðum farþegarýmis og öryggisbeltum við þjónustu og björgunarstörf. Farið yfir aðferðir við viðgerðir og frágang raflagna SRS búnaðar. Farið yfir ýmsan rafeindabúnað í ökutækjum með áherslu á algeng hreyfilstjórnkerfi og önnur stjórnkerfi. Farið yfir gerð sannindatöflu og umreikning milli talnakerfa. Leit að upplýsingum um viðfangsefni áfangans og lestur viðgerðarbóka. Farið yfir notkun og meðferð mæli- og prófunartækja s.s. sveiflusjá og bilanagreina. Gerðar tilraunir og æfingar með rökrásarbúnað. Skoðun, prófun og greining á ástandi stýrikerfa.
    Nemandi skal hafa öðlast þekkingu og skilning á:
    • kröfum um öryggisbúnað í reglugerð um gerð og búnað ökutækja
    • hættum sem stafa af rangri umgengni um öryggisbúnað
    • kröfum um persónuhlífar við vinnu
    • ýmsum rafeindabúnaði í ökutækjum sem stjórnar vinnu hreyfla, gírkassa, fjöðrunar, öryggisbúnaðar, mælabúnaðar, þægindabúnaðar o.fl.
    • virkni samskiptabúnaðar í tölvukerfum bifreiða
    Nemandi skal hafa öðlast leikni í að:
    • skoða og prófa öryggisbúnað
    • gera við öryggisbúnað innan þeirra marka sem framleiðendur ætla almennum viðgerðamönnum
    • umbreyta tugatölum í tvítölur
    • nota mæli- og prófunartæki fyrir rafbúnað stýrikerfa
    • leiðbeina umráðamanni ökutækis varðandi umgengni við rafeindastýrð stjórn- og eftirlitskerfi
    Nemandi skal geta hagnýtt þá almennu þekkingu og leikni sem hann hefur aflað sér til að:
    • lýsa virkni SRS kerfis
    • þjónusta SRS kerfi
    • skipta um einingar kerfa eftir reglum framleiðenda
    • leiðbeina um umgengni og vinnu við SRS búnað
    • lýsa sannindatöflum rökrása
    • umreikna á milli talnakerfa
    • leita upplýsinga um hvernig staðið skuli að bilanaleit
    • lýsa prófun og greiningu á ástandi hreyfla með rafeindastýrð stjórn- og eftirlitskerfi
    Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.