Í áfanganum eru helstu áfangastaðir í ferðaþjónustu um allan heim kynntir. Þá er sérstaklega fjallað um hinn íslenska ferðamann og hverju hann sækist eftir á ferðalögum erlendis. Farið er yfir það sem gerir áfangastaði áhugaverða í augum ferðamanna og skoðað hvað gerir hvern stað að aðdráttarafli í ferðaþjónustu. Lögð er áhersla á leikni í notkun ferðahandbóka og alþjóðlegra landakorta auk þess að nemendur hljóta aukna þekkingu á helstu upplýsingamiðlum um áfangastaði fyrir ferðamenn um heim allan.
FERÐ2FÍ05
Nemandi skal hafa öðlast þekkingu og skilning á:
ferli skipulagningar og undirbúnings ferða út í heim
fjölbreytileika ferðamanna og ólíkra þarfa þeirra í ferðaskipulagningu með tilliti til markhóps
neti samgangna um heiminn og möguleika til ferðalaga
Nemandi skal hafa öðlast leikni í að:
skipuleggja ferðir víða um heim
nýta handbækur, bæklinga, heimasíður og aðra miðla til upplýsingaöflunar
nota bókunarkerfi við skipulagningu ferða
Nemandi skal geta hagnýtt þá almennu þekkingu og leikni sem hann hefur aflað sér til að:
leita upplýsinga um helstu ferðamannastaði í heiminum
nota alþjóðleg landakort, handbækur og áreiðanlegar heimildir á netinu til að afla upplýsinga um einstaka staði/lönd
skipuleggja ferðir fyrir ákveðna hópa eða einstaklinga þar sem tekið er tillit til einkenni ferðamannastaða, framboðs afþreyingar, þjónustu, vegalengda og ferðamöguleika
Samanstendur af fjölbreyttum verkefnum yfir önnina.