Nemendur vinna með þrjú hross og eru þau tekin út af fulltrúa Framhaldsskólans í Mosfellsbæ og vinnustaðarkennara í upphafi annar og lok tímabils. Á tímabilinu hafa nemendur umsjón með öllu því sem viðkemur hrossunum fyrir utan þjálfunina. Nemendur þurfa að ræða við vinnustaðarkennara um þjálfun hrossanna svo hann viti hvort álag þjálfunarinnar hafi áhrif á fóðrun og fleira. Nemendur bera ábyrgð á því að fylgja hrossunum í öllu því sem þeim viðkemur.
Nemendur ráðfæra sig á viku fresti við vinnustaðarkennara um þjálfunaráætlun hestsins. Hér þarf að velta upp spurningum eins og: Hverju er verið að vinna í? Er álagið í þjálfuninni að minnka eða aukast? o.s.frv. Út frá þessum þáttum eru fóðurþarfir ákveðnar í samráði við vinnustaðarkennarann.
HEST2FB05 og HEST2FV05
Nemandi skal hafa öðlast þekkingu og skilning á:
grunnþörfum íslenska hestsins í fóðrun og umhirðu
eðli og atferli hestsins og hvernig knapinn á að umgangast hann
Nemandi skal hafa öðlast leikni í að:
tjá sig í umræðum um hesta á faglegum grundvelli
vinna sjálfstætt
flokka hesta í rétt holdastig og reikna fóðurþarfir þeirra
útbúa fóðurplan samkvæmt holdfari hesta
taka sjálfstæðar ákvarðanir varðandi eigið verklag í umgengni við hesta
greina líkamlega hegðum og skapgerð mismunandi hesta
Nemandi skal geta hagnýtt þá almennu þekkingu og leikni sem hann hefur aflað sér til að:
miðla þekkingu sinni og reynslu til annarra
sinna öryggismálum í sambandi við hesthús og umgengni við hesta
bera ábyrgð á daglegri umhirðu hesthúss og fylgja reglum varðandi hestahald
vera sjálfstæður í vinnubrögðum í umgengni við hesta og bera ábyrgð á fóðrun og umhirðu þeirra
Nemendur gera vikulega skýrslu (200-400 orð) um hvert hross þar sem upplýsingar um fóðrun, þjálfun, heilbrigði og umhirða hrossins eiga að koma fram.
Á tveggja vikna fresti eru skil á skýrslum til fulltrúa Framhaldsskólans í Mosfellsbæ. Innan við viku eftir skil á fulltrúi FMOS að skila athugasemdum til nemenda. Við seinni úttekt á hrossunum afhenda nemendur útprentaða lokaskýrslu til fulltrúa FMOS.
Leiðsagnarnám, ekkert skriflegt lokapróf.