Nemendur vinna með tvö hross á þessu öðru tímabili vinnustaðanáms. Hrossin eru tekin út í upphafi tímabils af fulltrúa Framhaldsskólans í Mosfellsbæ og vinnustaðarkennara. Á tímabilinu hafa nemendur umsjón með öllu því sem viðkemur umhirðu hrossanna. Nemendur ráðfæra sig á viku fresti við vinnustaðarkennara um þjálfunaráætlun hestanna og velta upp spurningum varðandi framhaldið.
HEST2FB, HEST2FV05, HEST2VN04 og HEST2VN08
Nemandi skal hafa öðlast þekkingu og skilning á:
grunnþörfum íslenska hestsins í fóðrun og umhirðu
eðli og atferli hestsins og hvernig knapinn á að umgangast hann
Nemandi skal hafa öðlast leikni í að:
tjá sig í umræðum um hesta á faglegum grundvelli
lesa í viðbrögð hests hvort hann er heilbrigður eða þarnast aðhlynningar
vinna sjálfstætt
flokka hesta í rétt holdastig og reikna fóðurþarfir þeirra
greina líkamlega hegðun og skapgerð mismunandi hesta
Nemandi skal geta hagnýtt þá almennu þekkingu og leikni sem hann hefur aflað sér til að:
miðla þekkingu sinni og reynslu til annarra
sinna öryggismálum í sambandi við hesthús og umgengni við hesta
Nemendur gera vikulega skýrslu (200-400 orð) um hvert hross þar sem upplýsingar um fóðrun, þjálfun, heilbrigði og umhirðu þurfa að koma fram. Á tveggja vikna fresti þarf að skila skýrslum til fulltrúa FMOS. Innan við viku eftir skil á fulltrúi FMOS að skila athugasemdum til nemenda. Í lok tímabilsins skulu nemendur afhenda útprentaða lokaskýrslu til fulltrúa skólans.