Í þessum áfanga starfsþjálfunarinnar er lögð áhersla á að nemandinn geti unnið sjálfstætt m.a. að viðgerðum á boðskiptakerfum og ýmiss konar tölvukerfum. Nemandinn þjálfast í notkun mælitækja og rökhugsun við bilanaleit. Nemandinn fær þjálfun í að bilanagreina stýrikerfi ökutækja og meta hvort upplýsingar frá kerfunum séu trúverðugar. Í lok áfangans skal nemandinn hafa öðlast hæfni til þess að geta leiðbeint viðskiptavinum um val á viðgerðarleið. Nemandi skal geta efnistekið nákvæmlega og forgangsraðað verkþáttum viðgerða.
STAÞ2SB25. Nemandi þarf að hafa lokið námi á fyrstu tveim önnum bifvélavirkjunar.
Nemandi skal hafa öðlast þekkingu og skilning á:
þeim efnum sem unnið er með í bifvélavirkjun allt frá vökvum að raflagnaefni
þeim tækjum sem notuð eru við vinnu í bifvélavirkjun
endurvinnslu efna eins og málma ásamt förgun spilliefna og úrgangs
sérákvæðum varðandi raflagnir í ökutækjum
Nemandi skal hafa öðlast leikni í að:
meta ástand mengunarvarnar búnaðar og gera tillögur að lagfæringum
nota efni og verkfæri sem tengjast viðkomandi iðngrein
vinna við tölvustýringar ökutækja
Nemandi skal geta hagnýtt þá almennu þekkingu og leikni sem hann hefur aflað sér til að:
finna bilanir í raflögnum
tengja meðalstór boðskiptakerfi s.s. loftnetskerfi og ljósleiðara
mæla hringrásarviðnám og einangrunnarviðnám
leiðbeina viðskiptavinum varðandi val á viðgerðarleið
Lögð er áhersla á fjölbreytt námsmat með leiðsögn. Námsmatið er í höndum meistara í viðkomandi grein.