mismunandi búnaður til kælingar, reglugerðir varðandi kælitækni, umhverfismál
Samþykkt af skóla
3
5
AV
Nemandinn öðlast þekkingu á mismunandi búnaði til kælingar, s.s plötufrysta, lausfrysta, skelískerfi, varmadælukerfi, RSW-kerfi, þrepakælikerfi, lofttemprunarkerfi, kerfi með mörgum kælirýmum og pressum (t.d. frystigeymsla eða skip), gámakerfi, og kerfi sem
þurfa að ná mjög lágu hitastigi. Fjallað um heitgasafhrímingu, hegðun lofts í kæligeymslum og í lofttemprunarkerfum (þornun og raka útfellingar), íhluti í kælikerfum og hlutverk þeirra. Um virkni og stillingu kæliþjappa, þensluloka, þurrkara, sjónglasa, olíuskilja, mótþrýstiloka, segulloka o.fl. Nemandinn kynnist pækilkerfum, kolsýrukerfum, ammoníakskerfum og nauðsynlegum öryggisþáttum sem einkenna rekstur kælikerfa. Fjallað er um helstu reglugerðir varðandi kælitækni og umhverfismál. Nemandinn skal öðlast færni og þekkingu til að vinna við lekaeftirlit, endurheimt efna, uppsetningu búnaðar, viðhald og þjónustu.
Nemandi skal hafa öðlast þekkingu og skilning á:
helstu tegundum kælibúnaðar, s.s. plötufrystum, lausfrystum, skelískerfum, krapakerfum, varmadælukerfum, SRW-kerfum, þrepakerfum, fallkerfumfallkúta kerfum, kælipressum og gámakerfum
tilgangi og framkvæmd heitgasafhrímingar
stöðlum og reglum um kælimiðla og endurnýtingu þeirra
rakaútfellingum og lausnum vegna þeirra
íhlutum helstu tegunda kælikerfa
kolsýru sem kælimiðil og búnaði við slík kerfi
ammoníaki sem kælimiðil og búnaði við slík kerfi
öryggismálum er varða kælikerfi
notkun þjónustubóka
Nemandi skal hafa öðlast leikni í að:
mæla og stilla yfirhitun kælikerfis á þenslulokum
mæla undirkælingu
kanna þéttleika kerfisins með þrýstiprófun
fylla kerfið af kælimiðli (vökva eða gufu) án þess að neitt af kælimiðlinum tapist
tengja og aftengja mæla og leiðslur þannig að losun verði sem minnst
annast eftirlit með leka í kerfinu með því að nota eina af beinu aðferðunum sem um getur í reglugerð (EB) nr. 1516/2007
þekkja áhættu sem er á kælimiðilsleka eða losun í tengslum við hann
Nemandi skal geta hagnýtt þá almennu þekkingu og leikni sem hann hefur aflað sér til að:
stjórna flóknum kælibúnaði
stilla sog- og frástreymisloka
afhríma með heitgasi
greina form kælimiðilsins (vökvi, gufa) og skilyrði (undirkældur, mettaður eða yfirhitaður) fyrir áfyllingu til að tryggja að aðferðin og magnið séu rétt
bregðast rétt við hættum sem geta skapast við rekstur kæli- og frystikerfa
færa dagsetningar í skrá yfir búnað og fylla út skýrslu um prófanir og eftirlit
ræsa og slökkva á þjöppu og hafa eftirlit með því að þjappan starfi rétt, m.a. með mælingum á meðan þjappan vinnur
útskýra við hvaða aðstæður einstakir kælimiðlar og búnaður hentar best
útskýra grunnstarfsemi þjöppu (m.a. stjórnun á afköstum og smurkerfi) og þá
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.