ástand og mat á olíum og öðrum vökvum í vélum um borð í skipum
Samþykkt af skóla
3
4
AV
Nemandinn kynnist olíum og olíuvörum sem notaðar eru við rekstur aflvéla skipa (brennsluolíur, smurolíur, smurefni og leysiefni). Nemendur þjálfast í notkun mælitækja og efna til að gera prófanir á smurolíu, kælivatni og ketilvatni og aflað þannig upplýsinga til að
leggja mat á ástand og gæði vökvanna. Skoðað er bruna- og blossamark olíu, seigjumælingar á olíu, mælingar á basatölu olíu og vatnsmagni í olíu. Fast og fljótandi eldsneyti úr kolefnissamböndum. Fjallað er um vinnslu á olíu og hvað mælikvarðarnir oktantala, setantala og dísilindex segja til um brunaeiginleika eldsneytis. Einnig er fjallað um helstu eiginleika ketil- og kælivatns, hvað þarf að varast og hvers vegna.
Nemandi skal hafa öðlast þekkingu og skilning á:
eldsneytisnotkun, orkutapi og orkunýtingu
eldsneytisgerðum, olíutegundum og staðbundnum einkennum olíu
oktantölu, setantölu og dísilindex
fullkomnum bruna og orsökum ófullkomins bruna
tæringarvörnum ferskvatns- og sjókerfa
útfellingum og áhrifum þeirra
helstu eiginleikum smurolíu af mismunandi flokkum og meðferð hennar við daglegan rekstur véla
Nemandi skal hafa öðlast leikni í að:
greina ástand kæli- og ketilvatns og bregðast við frávikum
setja niðurstöður mælinga og athugana fram í skýrsluformi
greina og meta ástand eldsneytis, smurefna og kælivökva út frá niðurstöðum sérhæfðra prófana
gera mælingar og tilraunir með smurefni og kælivökva og skrá niðurstöður skilmerkilega
halda utan um mæligögn á öruggan máta
Nemandi skal geta hagnýtt þá almennu þekkingu og leikni sem hann hefur aflað sér til að:
afla upplýsinga um ástand smurolía og smurefna með mælitækjum
útskýra staðbundin einkenni olíu og gera grein fyrir vinnslu á fljótandi eldsneyti og helstu eiginleikum þess
taka ákvarðanir um viðbrögð ef niðurstöður mælinga gefa tilefni til
meta upplýsingar, t.d. samanburð mældra gilda við eðlilegt eða æskilegt ástand
setja fram efni og niðurstöður verkefna í skýrslu þar sem fram koma helstu mæliniðurstöður, útreikningar, línurit og ályktanir sem dregnar eru af niðurstöðum mælinga og tilrauna
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.