Í áfanganum lærir nemandinn um létt byggingavirki innanhúss með áherslu á útfærslur og klæðningu veggja, lofta og gólfa. Nemandinn lærir um uppsetningu grindar- og klæðningakerfi, efnisnotkun, festingar, einangrun, áhöld, tæki og vinnuaðferðir. Nemandinn lærir um smíði léttra innveggja úr blikkstoðum, klæðningu þeirra með gifsplötum, uppsetningu niðurhengdra kerfislofta og lagningu mismunandi gólfefna. Nemandinn lærir um útfærslur og frágang á léttum byggingavirkjum í votrými með tilliti til mygluvarna. Áfanginn er bæði ætlaður húsa- og húsgagnasmiðum og kennslan er að mestu bókleg.
TRÉS2NT04 og TRÉS2PH10
Nemandi skal hafa öðlast þekkingu og skilning á:
mismunandi gerðum inniklæðninga
uppbyggingu innveggja
hljóðvist húsa
niðurdeilingu klæðningarefna
frágang í votrými
mygluvörnum
Nemandi skal hafa öðlast leikni í að:
smíða innveggi eftir verklýsingu
velja byggingaefni og festingar við hæfi
vinna með mismunandi klæðningaefni
áætla efnismagn til klæðninga
deila niður klæðningaefnum
Nemandi skal geta hagnýtt þá almennu þekkingu og leikni sem hann hefur aflað sér til að:
nýta byggingaefni sem best
velja klæðningaefni eftir aðstæðum
klæða veggi, gólf og loft
fjalla um mismundandi gerðir klæðninga
Lögð er áhersla á fjölbreytt námsmat með leiðsögn. Námsmatið er í höndum kennara viðkomandi áfanga en þarf að fylgja þeim reglum sem kveðið er á um í skólanámskrá VMA.