Fjallað um mat á skemmdum eða öðru tilefni til viðgerða. Farið ýtarlega í notkun tjónamatskerfisins CABAS og gerðar æfingar í notkun þess. Gerðar verklegar æfingar í notkun einingakerfis fyrir málun. Nemendur þjálfi sig í notkun eyðublaðaforma og geri kostnaðarútreikninga. Eyðublöð fyrir Cabas um tjónamat endanlega útfærð og kostnaður reiknaður út eftir því sem við á hverju sinni. Gerðar vinnu- og efnisáætlanir á grundvelli mats. Gerðar tímaáætlanir vinnuþátta og magnáætlanir efnisþátta en auk þess útreikningar á þyngd efnis í smíðaverkefni. Útreikningar vegna tjónamats og verkáætlana með ummáls-, flatarmáls-, rúmmáls-, efnisþunga- og efnismagnsreikningi. Kostnaðarreikningur verka og mat á umfangi tjóna og smíðaverkefna. Útreikningar gerðir bæði fyrir viðgerða- og smíðaverkefni. Áhersluatriði í kennslu: Áhersla á að matsmenn tileinki sér ábyrgð, nákvæmni og hlutlægni í starfi og hafi góða yfirsýn yfir verkefnið. Við mat sé þess gætt að fara eftir fyrirmælum framleiðenda um notkun efna og tækja.
Nemandi skal hafa öðlast þekkingu og skilning á:
aðferðum sem notaðar eru við tjónamat og kostnaðarútreikninga
tjónamatskerfinu CABAS
kröfum um ástand ökutækja í reglugerð um gerð og búnað
réttindum sem einingakerfið veitir og skyldum sem fylgja notkun þess
gerð vinnu- og efnisáætlana á grundvelli mats
Nemandi skal hafa öðlast leikni í að:
leggja mat á tjón á ökutæki samkvæmt tjónamatskerfinu CABAS
Nemandi skal geta hagnýtt þá almennu þekkingu og leikni sem hann hefur aflað sér til að:
lýsa uppbyggingu einingakerfisins og þýðingu þess sem grundvöll kostnaðarútreiknings verðlagningar í málun ökutækja
gera grein fyrir meðferð og notkun einingakerfis fyrir bílamálun
útfylla helstu eyðublöð og reikningsform sem eru í notkun á hverjum tíma
sýna að hann kann skil á meðferð skjala sem notuð eru við tjónamat og kostnaðarútreikninga
sýna að hann þekki þær kröfur sem framleiðendur ökutækja gera til viðhalds og viðgerða eftir tjón
lýsa skipulagi vinnu og gerð kostnaðaráætlana bæði hvað varðar ökutækjatjón og smíðaverkefni
áætla vinnutíma einstakra verkþátta, reikna út magn efnis og kostnað vegna efnisþátta
gera útreikninga vegna þyngdar og magns efnis til smíða eða viðgerða
Skriflegt mat 30%. Verklegt mat 50%. Ástundun 20%.