Þessi áfangi er samblanda af verklegri og bóklegri kennslu. Hér verður farið ítarlega í hreyfifræði hrossa í ólíkum gangtegundum og hvernig járningar geta haft áhrif á hreyfingu hrossa. Farið verður ítarlega í líffræðina bak við járningar; hófann og fæturna. Nemendur fá svo verklega kennslu í grunnaðferðum járninga, þar sem lögð er áhersla á jafnvægi og heilbrigða hófa.
HEST1HE05
Nemandi skal hafa öðlast þekkingu og skilning á:
hugtökum sem tengjast hófum og fótum hestsins
áhrifum járninga á hreyfingu hestsins
líffræði hófa og fóta hesta
Nemandi skal hafa öðlast leikni í að:
nýta fræðilegt efni jafnt á íslensku sem og erlendum tungumálum
beita gagnrýninni hugsun
beita röksemdarfærslu og draga ályktanir út frá staðreyndum
beita grunnaðferðum í járningu
greina hreyfingar og gagnlag hestsins
Nemandi skal geta hagnýtt þá almennu þekkingu og leikni sem hann hefur aflað sér til að:
miðla þekkingu sinni til annarra
beita gagnrýninni hugsun á markvissan hátt
nota hópavinnu til þess að leysa stærri og umfangsmeiri verkefni
sýna sjálfstæði í vinnubrögðum
Leiðsagnarmat. Fjölbreytt bókleg og verkleg verkefni sem eru metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.