Í áfanganum er áfram unnið að aukinni þekkingu á grunnatriðum gagnagrunnshönnunar. Farið er sérstaklega í normalform og forsendur fyrir mikilvægi þeirra. Skilningur nemenda er dýpkaður á JOIN og SUBQUERY fyrirspurnum og mikilvægi þeirra tíundað í því ferli að breyta gögnum í upplýsingar. Höfuðáhersla er á notkun viðauka við SQL staðalinn, svokallaða stefjuforritun. Farið er vel í vistaðar stefjur og föll og hagnýting þeirra í gagnagrunnsvinnslu tíundaðar. Kynntar eru ýmsar leiðir til gagnavinnslu með slíkum stefjum en einnig með svonefndum sýnum (e. view). Nemendur fá innsýn í útfærslu flóknari reglna í gagnasöfnum með rofum (e. trigger). Tenging gagnagrunna við forrit og/eða vef er kynnt og skoðaðar hefðbundnar leiðir í gagnagrunnsháðum hugbúnaði.
GAGN2HS05BU
Nemandi skal hafa öðlast þekkingu og skilning á:
gagnagrunni á 3NF.
JOIN og SUBQUERY fyrirspurnum, möguleikum og takmörkunum.
sýnum og rofum í gagnavinnslu.
gæðum og heilindum gagnasafna.
vistuðum stefjum.
tengingu gagnagrunna við forrit og vefi.
Nemandi skal hafa öðlast leikni í að:
hanna og nota gagnagrunn á 3NF.
gera JOIN og SUBQUERY fyrirspurnir.
leggja mat á gæði gagnasafna og heilindi þeirra.
nota vistaðar stefjur, föll og sýni við gagnavinnslu.
nota gagnaskýringar og skynsamlega framsögn þeirra.
tengja almennan notendahugbúnað og gagnagrunna.
Nemandi skal geta hagnýtt þá almennu þekkingu og leikni sem hann hefur aflað sér til að:
setja gagnagrunn á 3NF.
skrifa JOIN og SUBQUERY fyrirspurnir.
hanna og smíða sýni.
hanna og smíða vistaðar stefjur.
hanna og smíða heildstæða lausn á viðeigandi gagnagrunnskerfi.