Það kom upp villa senda inn  Áfangi

    Áfangi Nánari upplýsingar


    Búið til: 1496244552.54

    Líkinda- og tölfræði fyrir náttúrufræðibraut
    STÆR3LP07(MA)
    61
    stærðfræði
    Líkinda- og tölfræði fyrir náttúrufræðibraut
    Samþykkt af skóla
    3
    7
    MA
    Helstu efnisþættir eru þrepun, runur og raðir, talningarfræði, líkindarúm, skilyrt líkindi, óháðir atburðir, hagnýting líkindareiknings í erfðafræði, slembistærðir, dreififöll, líkindaföll, þéttleikaföll, væntigildi, fervik, strjálar og samfelldar líkindadreifingar, tveggja breytu slembistærðir, óháðar slembistærðir og samfylgni. Aðaláhersla áfangans er á dæmareikning, afleiðslukerfi og röksemdafærslu stærðfræðinnar, m.a. með sönnunum á reglum í námsefninu. Einnig verður lögð áhersla á rétta notkun stærðfræðitákna og skipulagða framsetningu.
    STÆR3HL07 eða STÆR3HX07
    Nemandi skal hafa öðlast þekkingu og skilning á:
    • þrepun
    • runum, röðum og hlutsummurunum
    • mismuna- og kvótarunum
    • skúffu- og margföldunarreglunum, umröðunum, samantektum og tvíliðureglu
    • slembitilraunum, atburðum, líkindum, líkindarúmum og frumsendum Kolmogorovs
    • skilyrtum líkindum, lögmáli fyrir heildarlíkindum og reglu Bayes
    • óháðum atburðum
    • hagnýtingu líkindareiknings í erfðafræði
    • líkindafræðilegum sönnunum í erfðafræði
    • slembistærðum, dreififöllum, líkindaföllum, þéttleikaföllum og hlutfallsmarki
    • væntigildi, fervikum og staðalfrávikum
    • ýmsum líkindadreifingum
    • sambandi milli líkindadreifinga
    • meginreglum stærðfræðilegrar framsetningar námsefnisins
    • skilgreiningum helstu hugtaka og sönnunum reglna í námsefninu
    Nemandi skal hafa öðlast leikni í að:
    • byggja upp þrepasannanir
    • vinna með runur, raðir og hlutsummurunur
    • nota talningarfræðireglur
    • finna líkindi á atburði og skilyrt líkindi
    • setja upp líkindarúm
    • segja til um hvort atburðir séu óháðir
    • finna líkindi og skilyrt líkindi í erfðafræði
    • finna útkomurúm, myndmengi og líkindafall slembistærða
    • skipta á milli dreififalls og líkinda- eða þéttleikafalls og finna hlutfallsmörk
    • finna væntigildi, fervik og staðalfrávik fyrir slembistærðir
    • vinna með ákveðnar líkindadreifingar
    • geta nálgað eina dreifingu með annarri
    • setja námsefnið fram skv. meginreglum stærðfræðilegrar framsetningar
    Nemandi skal geta hagnýtt þá almennu þekkingu og leikni sem hann hefur aflað sér til að:
    • skrá lausnir sínar skipulega og útskýra þær skilmerkilega í mæltu máli
    • átta sig á tengslum ólíkra aðferða við framsetningu stærðfræðilegra hugmynda og viðfangsefna og geta valið aðferð sem við á hverju sinni
    • skilja merkingu og tengsl hugtaka í námsefninu og vinna með þau
    • átta sig á og gera greinarmun á nauðsynlegum og nægjanlegum skilyrðum fyrir lausnum verkefna
    • beita gagnrýninni hugsun og sýna áræði, frumkvæði og innsæi við lausn yrtra verkefna
    • leysa þrautir með skipulegum leitaraðferðum og uppsetningu jafna
    • klæða yrt verkefni í stærðfræðilegan búning, leysa það og túlka lausnina í samhengi við upphaflegt verkefni
    • fylgja og skilja röksemdir í mæltu máli og texta, þar með taldar sannanir í námsefni
    • geti beitt einföldum samsettum röksemdum
    • geti rakið sannanir í námsefninu og greint hvenær röksemdafærsla getur talist fullnægjandi sönnun
    Námsmat er tilgreint í kennsluáætlun og samræmist skólanámskrá.