Stefnt er að því að nemendur fái fræðslu um helstu atvinnuvegi á Íslandi og hin ólíku störf sem bjóðast. Áhersla er lögð á að nemendur velti fyrir sér eigin áhuga og styrk í tengslum við starfsundirbúning. Nemendur kynnast þeim almennu reglum, bæði skrifuðum sem óskrifuðum, sem gilda í mannlegum samskiptum við samstarfsmenn og stjórnendur á vinnustöðum. Frætt er um réttindi og skyldur starfsmanna sem gilda á almennum vinnumarkaði og einnig á vernduðum vinnustöðum. Fjallað verður um stéttarfélög og hlutverk þeirra í samfélaginu.
Nemandi skal hafa öðlast þekkingu og skilning á:
helstu atvinnuvegum landsins
ólíkum störfum
réttindum og skyldum sem gilda á almennum vinnumarkaði
hlutverki stéttarfélaga
mikilvægi þess að stunda vinnu og vera þannig þátttakandi í samfélaginu
mikilvægi stundvísi til vinnu
einföldum launaseðlum
Nemandi skal hafa öðlast leikni í að:
greina eigin áhuga svo og sterkar og veikar hliðar í tengslum við starfsundirbúning
greina þau atriði sem taka ber tillit til við starfsval
viðhafa kurteisi við samstarfsfólk
koma fram í atvinnuviðtölum
lesa grundvallaratriði út úr launaseðlum
Nemandi skal geta hagnýtt þá almennu þekkingu og leikni sem hann hefur aflað sér til að:
takast á við störf á almennum vinnumarkaði
Símat sem byggist á áhuga og virkni nemanda í ýmis konar verkefnagerð.