Markmið áfangans er að nemendur fái innsýn í heim kvikmyndanna og læri ensku í gegnum þær. Áhersla er lögð á að kenna nemendum að fylgja þræði í kvikmyndinni þannig að þeir geti sagt frá eða unnið úr honum á annan hátt. Lagt er upp með að nemendur þjálfist í gagnrýnni hugsun og færni í tjáskiptum og rökræðum á ensku eins og kostur er.
Nemandi skal hafa öðlast þekkingu og skilning á:
ólíkum viðhorfum og gildum í enskumælandi löndum og hvernig þau móta menninguna
heimi kvikmyndanna eins og kostur er
Nemandi skal hafa öðlast leikni í að:
skilja mál sem er talað með mismunandi hreim og við mismunandi aðstæður
skilja texta kvikmynda og myndmál eins og kostur er
rökræða, skiptast á skoðunum um kvikmyndir
skrifa kvikmyndarýni á ensku
meti upplýsingar á gagnrýninn hátt
Nemandi skal geta hagnýtt þá almennu þekkingu og leikni sem hann hefur aflað sér til að:
njóta kvikmynda
öðlast færni í tjáskiptum og rökræðu
bera ólík gildi og viðhorf saman við eigin menningu
Símat sem byggir á áhuga og virkni nemanda í ýmis konar verkefnagerð.