Nemendur öðlist skilning á samfélagi, menningu og landafræði nokkurra enskumælandi landa (Ástralíu, Nýja Sjálandi, Bretlandi, Írlandi, Kanada og Bandaríkjunum) gegnum ólíka miðla. Þeir lesa bókmenntatexta og ljóð, hlusta á dægur¬lög og horfa á kvikmyndir, sígildar og nýjar frá þessum löndum til að fá innsýn í menningu. Þeir kynnast ólíkri náttúru og dýaralífi hvers lands og fái einnig innsýn inn í stjórnkerfi, sögu og samfélagsþróun. Nemendur þjálfast í lestri, lesskilningi og ritun af ýmsu tagi. Áhersla er lögð á að auka orðaforða. Nemendur þjálfast í að skilja ensku frá ólíkum málsvæðum.
Nemandi skal hafa öðlast þekkingu og skilning á:
samfélagi og menningu í nokkrum enskumælandi löndum
landafræði og náttúrufræði í þessum sömu löndum
orðaforða sem gerir honum kleift að tileinka sér lesefni í áframhaldandi námi
Nemandi skal hafa öðlast leikni í að:
tjá sig á ensku af nokkru öryggi um bókmenntir, ljóð og kvikmyndir eins og kostur er
skilja mál sem er talað með mismunandi hreim
leita að upplýsingum í ólíkum miðlum um fyrirframgefið efni
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig eins skýrt og mögulegt er
geta skrifað læsilegan einfaldan texta frá eigin brjósti þar sem hugmyndaflug fær að njóta sín
beita málinu til að geta tekið þátt í umræðum um bókmenntir, ljóð og kvikmyndir eins og kostur er
lesa sér til ánægju
Símat sem byggir á áhuga og virkni nemanda í ýmis konar verkefnagerð.