Námið er verklegt og fer fram í kennslueldhúsi. Stefnt er að því að búa nemendur sem best undir að bjarga sér við heimilisstörf. Í áfanganum er megináherslan lögð á hollustu og því verða eldaðir einfaldir grænmetisréttir, bakað úr grófu korni o.s.frv.
Nemandi skal hafa öðlast þekkingu og skilning á:
hollu mataræði og heilsusamlegum eldunaraðferðum
grunnaðferðum sem notaðar eru við eldamennsku og bakstur
Nemandi skal hafa öðlast leikni í að:
greina á milli hollra og óhollra rétta
fara eftir uppskriftum
elda einfaldan heimilismat
nota helstu heimilistæki við eldamennsku
leggja á borð
vaska upp, þurrka og ganga frá eftir máltíð
viðhafa góða borðsiði
Nemandi skal geta hagnýtt þá almennu þekkingu og leikni sem hann hefur aflað sér til að:
elda einfalda grænmetisrétti
baka úr grófu korni
auka sjálfstæði sitt og færni við matargerð
nýta helstu miðla til að afla upplýsinga um bakstur og uppskriftir
viðhafa vönduð vinnubrögð og sýna fram á góða umgengni og frágang í samræmi við hreinlætiskröfur