Eitt helsta markmið heimspekikennslunnar er að efla gagnrýna og skapandi hugsun. Markmiðið byggir á þeirri forsendu að iðkun heimspeki þjálfi hugsunina og læsi í víðum skilningi. Áhersla er lögð á að fá nemendur til að hugsa, spyrja, velta upp ýmsum möguleikum fordómalaust, mynda sér skoðanir og rökræða við aðra af þolinmæði og á jafnréttisgrundvelli.
Nemandi skal hafa öðlast þekkingu og skilning á:
mikilvægi einbeitingar í daglegu lífi
mikilvægi samstarfs
skoðanaskiptum
Nemandi skal hafa öðlast leikni í að:
álykta
hlusta á virkan hátt
deila upplifunum
treysta á öll skynfæri
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í samstarfi
mynda sér sjálfstæðar skoðanir
sýna öðrum þolinmæði
efla hugmyndaflug sitt
temja sér skipulega hugsun
Símat sem byggir á áhuga og virkni nemanda í ýmis konar verkefnagerð.