Í þessum áfanga er markmiðið að nemendur fái innsýn í lestur á skáldsögum, smásögum og ljóðum og geti lesið sér til ánægju og fróðleiks. Áhersla er lögð á að nemendur fái þjálfun í lestri og lesskilningi. Unnið er með bækur og annað efni sem hæfir lestrarkunnáttu og áhugasviði hvers nemenda. Ýmist er unnið er með einstaklingsmiðað námsefni eða allur hópurinn tekur fyrir sömu bókina.
Nemandi skal hafa öðlast þekkingu og skilning á:
mikilvægi lestrar
mikilvægi þess að geta unnið aðalatriði úr texta á skýran og markvissan hátt
lestri ljóða og uppbyggingu þeirra s.s. rími
því hvernig skáldsaga getur endurspeglað samfélagið hverju sinni
Nemandi skal hafa öðlast leikni í að:
skilja lesinn texta
endursegja lesið efni
þekkja nokkra íslenska rithöfunda og verk þeirra
taka þátt í umræðum um bókmenntir
Nemandi skal geta hagnýtt þá almennu þekkingu og leikni sem hann hefur aflað sér til að:
auka lestrarhæfni sína
dýpka lesskilning sinn
bæta við orðaforða sinn og almennan hugtakaskilning
lesa sér til ánægju
auka skilning sinn og þekkingu á samfélaginu og mannlegu atferli og samskiptum í gegnum bókmenntir
Símat sem byggir á áhuga og virkni nemanda í ýmis konar verkefnagerð.